2012年1月30日星期一

新科技, 舊電影: 天鷹寶盒 ZiiEagle Movie Box

這不是電影介紹, 天鷹寶盒並非電影名稱. 這也不是廣告. 我從未擁有或使用此產品, 所以也不算是推介, 只是最近發現有科技產品, 竟可與此BLOG的題材相關, 覺得有趣, 分享一下而已.

新加坡的多媒體公司Creative, N年前已用過他們的產品, 買過音效卡Sound Blaster, 提升在桌面電腦打機聽音樂時的音效質素. 這家公司在大概一年前推出了新產品, 名叫天鷹寶盒 (ZiiEagle Movie Box), 是部電影播放器, 內存有668部邵氏製作的電影.

天鷹寶盒只在新加坡本土有售, 海外或網上都沒有銷售點. 在功能上, 它只是一部播放器, 只能播放內存預製內容, 沒有上網下載的擴充性, 至於能否以其他方法把外來的內容載入則不得而知. 播放器還附有遙控器, 來控制選播內容.


這668部片, 都是在過去50年來邵氏的出品, 除了慣常在影音店有售的電影外, 還包括了一些之前沒有出版影碟的項目, 如我喜歡的桂治洪的<走火砲>(下圖)和<邪咒>, 還有<山東狂人>和<鬼域>等等, 都在天鷹寶盒裏有得觀看. 而且全部都是高清解像, 並附有英文字幕, 是中外影迷認識港片的一大恩物.


這個播放器的售價折合港幣五至六千元左右, 若你是邵氏影迷打算全盤觀賞, 每部電影都只是十元港幣, 比翻版還平宜?! 當然, 若你只對某些類型電影有興趣, 要付上幾千元則絕不化算.

天鷹寶盒是現代另一新興的出售途徑. 我們一般在影音店買影碟, 或者上網購買錄像, 但這個以硬體綑綁模式銷售則開創先河, 不知會否殺出一條新血路. 可惜, 這產品在邵氏的發源地大中華地區買不到, 極可能是版權問題以至, 否則我也想買部試試.

18 則留言:

  1. 邵氏名片?我喜歡呀!2002年北上狂掃DVD

    回覆刪除
    回覆
    1. 當年好似深圳海關每隻盜版罰一萬蚊喎...

      刪除
  2. 邪咒 我係土豆看過, 但只有60分鐘的版本,CUT得支離破碎
    CALVIN

    回覆刪除
    回覆
    1. Calvin, 坊間流傳的《邪咒》和《索命》都是僅過60分鐘. 《邪咒》的情況比較差, 但《索命》的故事就仿似頗為完整. 不過在天鷹寶盒裏的版本, 《邪咒》和《索命》就分別有79分鐘和76分鐘, 應是無刪剪的.

      刪除
  3. 無得加料,有幾多人會買?

    回覆刪除
    回覆
    1. 佛爺, 有668部戲, 每日睇一套, 都要睇差唔多兩年, 仲可以番睇. 幾千蚊, 算好抵啦.

      刪除
  4. 蔡蘭話佢老豆係邵氏新加坡的職員,所以果668部戲,應該係合法既!

    回覆刪除
    回覆
    1. 佛爺, 一定係合法, 只係唔知點解淨係新加坡先有得賣, 呢部產品在其他地區都好有市場!

      刪除
  5. 最關心係有冇粵語聲道。

    回覆刪除
    回覆
    1. 琛, 問得好...有外地網友提供一個天鷹版本的《山東狂人》, 係粵語版本, 所以好相信有粵語、國語聲道選擇. 但邵氏早期有些電影只得國語配音, 估計該些作品就無粵語聲道了.

      刪除
    2. 最驚好似 萬人斬、水兒武士 同 城寨出來者 咁
      明明上映有粵語對白,但又只出國語版囉…

      刪除
    3. 想問各位,我之前買左隻[油鬼子]係唔係得國語版,有冇粵語版,thanks

      刪除
    4. 琛, 我對是否粵語還是國語的要求沒你般高, 因為當時都唔係現場收音, 而係後來配音, 所以我覺得無所謂原音. 不過如你講的《萬人斬》, 係古裝武俠片, 聽國語係OK的; 但《城寨出來者》明明係香港的時裝片, 唔係粵語就有點奇怪.

      jeffrey, 《油鬼子》我未見過有粵語版喎. 唔知天鷹入面有無呢...

      刪除
  6. The Movie List
    http://www.ziieagle.com/products/?product=20238&nav=4
    Order?!
    http://sg.store.creative.com/ziieagle/ziieagle/952-20238.aspx

    如果ship到來香港, 真係有興趣.

    回覆刪除
    回覆
    1. Niccolo Peter, thanks! 多謝提供個movie list, 不過有些邵氏電影如牟敦芾的《撈過界》和桂治洪的《爛頭蟀》和《扮豬食老虎》都無, 就有點失望.

      刪除
  7. 好吸引喎,有晒張徹導演D戲!

    回覆刪除
  8. 麥昆, 若你鐘意張徹導演, 起碼有八九十套戲, 十分抵買!

    回覆刪除
  9. Already out of stock!

    回覆刪除