2012年6月3日星期日

80後香港靈異傳聞

香港人的成長過程中, 最鍾意講鬼故或聽鬼故, 無論在小學、中學甚至大學都盛行, 尤以大學內的傳聞. 以前聽過的許多鬼故事, 包括辮子姑娘、牛尾湯、洪水橋等等, 雖然大家言之鐅鐅, 都無確實發生時間或事件記載. 八十年代, 鬼怪題材在電影或電視都受歡迎, 但在銀幕以外的真實世界, 各界依然不斷有新的靈異事件傳出, 但能震撼大部份香港人的始終不多.


在八十年代後, 曾有幾則怪事, 進佔報章的港聞版或娛樂版頭條, 成為城中每個角落的討論點.

銅鑼灣的狐仙顯靈事件 (1981)

在皇室堡的現址, 當年名叫溫莎公爵大廈, 也與今天一樣低層是商場, 高層是寫字樓的設計. 那裏三樓有一家酒樓, 曾有夫婦在那裏為兒子擺滿月酒後, 太太回到家中休息時, 夢到樣貌兇惡的狐狸在床邊踱步, 並怪責事主為何在慶祝時不向牠敬酒, 之後便噬向酣睡的嬰孩, 滿嘴盡是鮮血.

太太起初動彈不得, 驚醒後弄醒丈夫, 一起查看兒子, 發現他已面部發青, 停止呼吸, 送院後證實死亡. 太太猛然記起惡夢, 趕到溫莎公爵大廈, 竟發現正門一幅大理石牆上有一個狐狸頭的石紋, 引起是狐仙作崇的說法. 這件事被報章及雜誌大幅報導, 使香港市民起哄, 連日來到該大廈圍觀, 直至業主將問題雲石換走, 事件才平息下來...

鍾保羅回魂TVB錄影廠 (1989)

與陳百強和張國榮共被稱為「三劍俠」的鍾保羅, 事業雖未達到天皇巨星級數, 但演藝生涯作影視播三線發展, 尤其在後期更成為TVB炙手可熱的新晉大SHOW司儀, 行情看漲. 可惜鍾保羅啫賭, 注碼甚大, 手風卻經常不順, 欠下巨額賭債. 在1989年9月1日, 鍾保羅從沙田第一城住所跳樓身亡, 轟動全港.

主流意見是鍾保羅因為欠債太多, 無力償還, 壓力太大而自尋死路. 自事件發生後, 不斷有傳聞說沙田第一城的居民的電視機會無故開著, 鍾保羅現身訴說並非自殺, 而是被人迫害.其中最成為茶餘飯後的話題, 便是在無線的錄影節目, 有個黑影在錄影廠的前排座位在刹那閃現, 一會兒又失踪了. 據在場的幕後人士聲稱, 拍攝期間該排座位是無人坐下的. 有報導稱, 那是鍾保羅回魂. 其實該人影並不清晰, 輪廓和五官都不能認定那就是鍾保羅.

事隔差不多廿年, 鍾保羅是否自殺, 還是另有內情, 從無確實答案, 但仍然是觀眾感興趣的題材. 前陣子, 梁思浩便在有線的靈異節目為鍾保羅進行隔世追兇...


九廣鐵路鬧鬼廣告 (1993)
還未合併成港鐵的九廣鐵路, 在1993年推出品牌廣告, 概念為將火車的情意由小開始, 一直延續到長大. 廣告邀請到六位小朋友, 在樹林內玩火車遊戲. 廣告的氣氛本是歡天喜地, 但播出後有人留意到排在第三的小孩臉色蒼白, 甚至說他嘴角流血. 其後, 更有不同版本的傳言出現, 如該廣告能數出第七名小朋友、臉色蒼白的小孩在拍攝後已死去、製作人員及其他小孩也陸續死去等...這些傳聞越傳越熱, 九鐵的發言人並沒立即澄清.

漸漸地, 有人提議應將令觀眾不安的廣告抽起, 九鐵才對事件回應, 邀請那「排第三」的小孩出席公開活動, 證明他還健在; 另外也公開了拍攝的片段, 因拍了太多, 小孩排隊又沒有固定的順序, 所以在剪接下會產生錯覺多了一個小孩. 很多人聽了各種流言, 再觀看廣告, 竟然不寒而慄, 不敢看到結尾!



青山公路鬼相事件 (1993)

在1993年11月6日, 現已倒閉的天天日報, 在頭版刊登了一幅警方在青山公路拍攝的快相, 相中除了超速車輛外, 還在右下角有一背後發出橙黃光的「途人」. 有人說那名人士是名學生, 或男或女; 也有人提出照片攝影之前, 當地曾有交通意外, 輾斃了一名老婆婆, 而死者樣貌與相中人非常相似. 這件事最後不了了之, 無人能提供合理解釋, 但有說自此之後, 那裏再沒有擺放快相相機...

40 則留言:

  1. 嬰兒在一歲前猝死是有一定比例的,什麼原因就無從稽考。而且在西方發達國家中,以美國的嬰兒猝死率最高,如此作為靈異事件,那麼美國應該最多了。

    回覆刪除
    回覆
    1. 佛爺, 咁有咁啱個太太發咗個夢, 描述到繪聲繪影, 先至會咁覺得, 而且亦令其他人感到更有說服力...

      刪除
  2. 三個都係印象深刻的靈異傳聞,細個果時我都真係驚咗果個鐵路廣告

    題外話,可能大家都有留意到,小妹尋日去行HMV(Isquare)發現出咗好多好多80至90初既電影DVD ,又有勁多邵氏舊片DVD (我見到有版主早排講的'打蛇') ,大家可以搜刮下自己的心頭好

    回覆刪除
    回覆
    1. Melody, 多謝你報料先. 尖沙咀的HMV真係好多邵氏舊片, 都算幾齊, 但有些電影也早已斷貨, 如我最近代朋友找的《憤怒青年》.

      鐵路廣告...其實「排第三」的小孩又真係呆咗少少, 面青咗少少, 佢阿媽睇到個仔俾人咁講實傷心死...

      刪除
    2. 憤怒青年 VCD 之前 尖沙咀 HMV 賣 $10 ...

      刪除
    3. 琛, 我要搵的係DVD, 行過HMV同埋其他碟舖, 都話斷咗貨了...

      刪除
  3. 喚醒我們的集體回憶啊!

    還有一個電視城傳聞;不要抬頭看燈糟,因為遊魂愛坐在燈糟睇下面的人拍戲

    回覆刪除
    回覆
    1. 卡臣, 未聽過該傳聞...是否都適用於舞台劇的舞台呢?

      刪除
    2. 寧可信其有,我唔敢望...

      刪除
  4. 狐仙呢單嘢我search咗好耐都搵唔到照片,可能已經冇人有copy...... T_T

    回覆刪除
    回覆
    1. 如果搵得番大迷信果類既片就有現場拍攝既相

      刪除
    2. Gov, 狐仙事件網上資料好少. 我記得當年睇阿媽買的八卦周刊, 除了這個傳聞的來源外, 仲有其他幾單, 好似係有茶客見到大理石紋之後去世...總之就係好多衍生事件來support狐仙的說法. 不過, 現在真係搵唔到這些資料了...

      刪除
  5. 我細個印象睇過鍾保羅條片,果陣有隔離屋錄低,睇完屋企人仲dom左餅帶
    其他就青山公路鬼相,天天日報頭版
    火車廣告睇一周刊傅話d細路死晒,有一日電視返播廣告
    嚇到我即刻沖入廚房搵ar媽

    其他再舊d未出世,就聽屋企人講番

    回覆刪除
    回覆
    1. jeffrey, 多謝你提醒我有青山公路的鬼相, 該事件又係發生於1993年. 因此事也曾在香港引起一陣哄動, 我已將此事加入文中...唔該哂!

      刪除
    2. 唔駛客氣,我對香港鬼故事十分有興趣,家中有大量鬼書 ,見到你標題,即刻入黎超下。

      另一傳聞,青山公路鬼相,相入面架車,係演員鍾發,有無人聽過?

      刪除
    3. jeffrey, 因為車牌係CF字頭, CF=Chung Fat? 哈哈

      刪除
  6. 傳聞鍾保羅"出現"的節目,應該夠HIT鬥玩Beyond加草蜢. 當年有個矇矓人影坐在觀眾席上,霎眼望似鍾保羅. 當年我地八九個女仔,上左一個同學屋企睇錄影帶,真係睇到類似的物類,狂尖叫!!!!

    回覆刪除
    回覆
    1. 利是餅, 唔記得那個是甚麼節目了, 我只記得有草蜢...唔係好記得另外有何人參加, 不過應如你所說有Beyond吧. 我竟然又有錄到該節目, 看到傳聞後再看, 真的有點心寒, 不過點睇都睇唔出係鍾保羅囉...

      刪除
    2. 剛搵到 http://www.youtube.com/watch?v=XhSQlNKFGAc 睇3:52

      刪除
  7. 之後的大頭怪嬰算唔算? 我當年有聽恐怖熱線,聽住條友講佢地點樣見到個左大頭B...

    回覆刪除
    回覆
    1. 呢單野後尾比雲海踢爆係流料啦,而家潘紹聰都唔願再提呢單野啦!

      刪除
    2. 原來如此!!!

      刪除
    3. 我想問...《恐怖熱線之大頭怪嬰》是否改編自此傳聞? 當時我好憎聽新城 (其實都好少聽其它電台), 所以無特別注意該事件.

      話時話, 潘紹聰又主持了靈異電影《魕》, 唔知有幾多人有興趣睇?

      刪除
    4. 係哎,就係base on 呢個傳聞拍架。潘紹聰同露芙都有客串

      刪除
  8. 講開皇室堡,前幾年有人曾經潛過上去天台影咗輯相,發現上面有個神秘既遊樂場,有韆鞦架,十分古怪及詭異!

    回覆刪除
    回覆
    1. Apollo, 呢單連蘋果都報導過:
      http://hk.apple.nextmedia.com/news/art/20070316/6907044

      刪除
  9. 呢單其實無咩特別,我阿哥之前係皇室頂樓做野,知道有千秋果.d野係到,佢地有時會上去蛇下,影相果條友都係搵我阿哥帶佢上去影

    回覆刪除
    回覆
    1. 我記得影相嗰個人當初係響恐怖熱線度報料,後尾仲去咗銅鑼灣某酒店影咗D相,之後話佢死咗,究竟呢單嘢係唔係堅?

      刪除
    2. 照[恐怖潘生]入面講去完酒店影相,之後因為某d靈異事件自殺

      不過係到講好似有d離題,哈哈

      刪除
    3. jeffrey, 點會離題呀, 吹吓水之嘛 :)

      刪除
  10. 狐仙事件, 李居明的電影 大迷信 都有提及... 事隔好多年,有次聽到有一名女子同當年在果間酒樓工作因為這事而被炒..... CALVIN

    回覆刪除
    回覆
    1. Calvin, 哈, 我無睇《大迷信》, 等我搵來睇吓佢講乜先. 點解該名女子會被炒呢?

      刪除
    2. 大迷信入面阿李居明話溫莎大廈(即皇室堡)果隻狐仙比高人打走,去左半山一根榕樹到。

      刪除
    3. 話說好多年後,係一件相孰的水晶店裡,個老闆娘本身係識玄學果D的,有個女人行入來買野,講下講下原來佢當年係該酒樓做WAITRESS的,有日老闆留低左工事包係走廊角落,佢不知就裡將工事包放番係老闆房,老闆回來後大怒,問邊個將工事包放番入來,查到係佢後打左個電話,之後立即炒佢,原來個工事包係高人指點用來鎮XX的,被佢破壞左,高人亦指該女子(當年係後生女)同XX有關,要佢離開 .....CALVIN

      刪除
    4. Calvin, 個女子真係無罔之災...

      刪除
  11. 講番青山公路快相,令我諗番[夜半一點鐘]第三個故事
    徐錦江同陳小春快相故事出奇地好睇又好笑

    回覆刪除
    回覆
    1. jeffrey, 哈,《夜半一點鐘》我都諗住寫...:)

      刪除
  12. 鐵路廣告幾乎可以肯定係剪接問題,事後廣告公司有搵返成班小朋友出黎開PARTY,乜事都無, 吳剛師父既靈通天地線仲有搵佢地做訪問.

    回覆刪除
    回覆
    1. 其實以上的靈異事件, 全部都唔似真, 狐仙已經係最似. 鐵路廣告, 我只覺得係有班人自己嚇自己嚇得好興奮.

      刪除