2012年7月30日星期一

色情男女: 三級男星大巡禮

有三級女星, 自然也會有三級男星. 三級片的主要觀眾群為男性, 他們對此類男演員的要求都有分岐, 有些人認為俊俏兼身材健美的, 令畫面加添美感; 也有人認為樣貌平凡麻甩, 頂著大肚腩的, 更容易令自己有代入感. 因此本地歷來出產的情慾片男角, 甚麼形態和形狀皆有, 百花齊放. 之前曾寫過有關三級影帝曹查理及超越三級的蘇B, 在此不再重覆, 請閱舊文.


徐錦江


(以上劇照來自<南洋十大邪術>(1995))

徐錦江畢業於廣州美術學院主修繪畫, 樣貌也有點藝術家感覺. 他自1983年進入邵氏成為合約演員, 其後發展不俗, 在很多商業大片也有參與演出, 憑<省港旗兵>系列和<三狼奇案>等電影廣為觀眾認識. 自接拍嘉禾情慾鉅著<玉蒲團之偷情寶鑑>(1991)後, 在三級片領域有很多機會, 打響名堂, 被譽為「啫神」, 更成為少數男星拍攝露體寫真集.

在三級年代, 徐錦江一直有不同片種的商業電影片約, 算是奇葩, 沒有被人定性為鹹片男星. 歸根究底,「啫神」的大部份情慾演出其實並不猥瑣, 很多時還頗好笑. 事實上, 徐錦江的喜劇感十足, 情慾演出和搞笑cross over, 能勝任而又受觀眾歡迎的始終不多. 近年在港產片絕少出現, 在中國大陸影藝圈發展.

劉的之


(以上劇照來自<青樓十二房>(1994))

劉的之出身自模特兒, 在八十年代末開始拍攝電影, 受稚嫩的演技所限, 迅即憑天賦本錢, 在好幾部三級片負責裸露身驅和情慾演出. 憑不俗的樣貌和健碩的身體, 彌補演技的不足. 他的影藝生涯短暫, 極其可以說由水禾田執導、與陳寶蓮合演的<偶遇>是他的代表作.

自成為演員後, 劉的之有很多負面消息, 包括賣身接客, 惹來闊太們爭風呷醋; 也有說他曾患有愛滋病, 已與世長辭, 傳了很多年頭. 據說劉的之仍然在生, 而且保養得不錯, 但為何他沒有出來澄清種種傳聞, 則不得而知了.

林偉


(以上劇照來自<那個少女不多情之脫的疑惑>(1993))

林偉畢業於演藝學院戲劇系, 早於1986冼杞然執導的<兄弟>「特別介紹」演出, 其後於1991年的<太太的情人>後, 拍過一些情慾電影, 包括<情難自制>、<愛的精靈>和<現代情慾篇之換妻檔案>等. TVB以入屋的電視劇為主打, 竟在三級片浪潮期間簽了林偉, 在三、四年之間的作品都算頻密.

其後林偉在1996年過檔亞視, 首作為大卡士劇集<再見艷陽天>. 他在十年間陸續為亞視工作, 也有為電影演出, 卻談不上人氣. 最近的大螢幕上出現為2009年杜琪峰執導的<復仇>, 飾演大佬任達華的手下, 沒有對白, 但有露股床上戲, 與大佬的女人有染被射殺.

翁世傑


(以上劇照來自<新七擒七縱七色狼>(1994))

另一位自男模出身的翁世傑, 早於1982年的<烈火青春>便開始拍電影, 飾演夏文汐的日藉男友. 其後, 翁世傑在八十年代有不少片約, 其中不乏大片和王晶的賣座喜劇. 印象中, 翁世傑的角色很多是有錢仔, 態度傲慢自大或壞人. 自九十年代拍攝了三級片過後, 便沒有再接拍商業電影, 直至這個熱潮過去後, 便跟隨消失了. 據說, 香港回歸後, 他轉移到美國發展.

當年華人到彼邦發展會受局限, 而翁世傑近十多年也在幾部荷里活影片裏閃現, 包括<Entrapment>(1999), <Die Another Day> (2002), <Batman Begins> (2005)和<Largo Winch> (2008)等. 翁世傑在成為演員後, 新聞事非不多, 最多人談論為他的性取向...

李中寧


(第一幅劇照來自<哎吔女朋友>(1992); 第二幅劇照來自<我愛狐狸精>(1993))

李中寧是影星葉童同父異母的兄長, 綽號多多, 因樣貌酷似梁朝偉而被稱「大碼版梁朝偉」, 又因拍攝何藩的<三度誘惑>扮超人而被封為「三級man」. 出身自TVB無線, 曾被列為力捧對象, 與邱淑貞、邵仲衡、郭富城等合稱「銀河十星」.

當時有說李中寧在英國某大學畢業, 若非從事演藝事業, 前途也一片光明, 李先生卻選擇了三級路. 息影後, 他便返回英國發展事業.

陶大宇


(以上劇照來自<哎吔女朋友>(1992))

陶大宇接拍三級片, 一般觀眾並不對他大膽程度有多高, 或鏡頭前是否如曹查理般淫賤, 而是為何曾貴為TVB當紅小生, 會被迫踏出這一步, 多會寄予同情. 與三級女星多數出身自亞視藝員或該台的選美比賽, 有不少無線男演員都放下身段演出情慾電影. 連知名度甚高的陶大宇也要隨波逐流, 可見無線的待遇非常差勁.

他拍過的三級作品包括<情不自禁II霎時衝動>(1992)、<哎吔女朋友>(1993)、<93女歡男愛>(1993)和<男與女>(1993). 後來憑TVB一連串專業人士系列的電視劇如<壹號皇庭>、<刑事偵緝檔案 >等大受歡迎, 被封為「師奶殺手」, 在九十年代末成為一線電視男演員.

梁思浩


(以上劇照來自<不扣鈕的女孩>(1994))

梁思浩在八十年代演出處境劇<城巿故事>中的「洗米華」入行, 為觀眾所熟悉, 但無以為繼, 輾轉從無線跳槽到亞視, 又到加拿大讀書, 找不到機會然後憑三級片再在圈中活躍起來. 梁思浩的形象及樣貌所限, 拍情慾片或其他常規角色都非常尷尬. 在眾多男星的後三級時代的發展, 梁思浩可算是最成功. 他認清自己的弱點, 改變路線當主持, 在有線電視的<怪談>和香港電台的<瘋show快活人>都大受歡迎, 更曾連續數年成為全港最受歡迎DJ第一位. 同時, 他也是非不斷, 因在<歡樂今宵>扮容祖兒惹上麻煩, 也兩度被TVB及香港電台解僱.

單立文


(第一幅劇照來自<聊齋艷譚>(1990); 第二幅劇照來自<金瓶風月>(1991))

單立文的音樂人身份廣為人知, 在香港樂壇已達殿堂級地位, 擅長彈低音結他, 也在很多歌手的演唱會擔任音樂總監. 他在1989年, <潘金蓮之前世今生>飾演西門慶, 被香港電影金像獎提名最佳新人, 其演出令他成為西門慶不二之選, 包括李翰祥大導演的<金瓶風月>、<金瓶梅>和<新金瓶梅>系列等. 單立文也在其他古裝三級片演出, 反而無參演過時裝情慾片.

潘震偉


(以上劇照來自自<李麗珍蜜桃成熟時>(1993))

潘震偉是另一由模特兒跳進影圈的個案, 可惜發展未算順利. 當年世紀影業的新浪潮力作<殺出西營盤>演殺手, 戲份不多. 雖然高大威猛, 樣貌也算俊朗, 卻未有太多片約. 即使在三級浪潮高峰期, 他也只是拍過<愛的精靈>和<李麗珍蜜桃成熟時>等三數部艷情戲. 其後在1999年接拍葉天行導演的<玉蒲團>及<風月寶鑑>系列, 在失踪前最後大膽演出.

吳岱融



來自新加坡的吳岱融雖在<滅門慘案之孽殺>和<替天行道之殺兄>中, 與當時的女友, 現時的妻子鍾淑慧有情慾演出, 嚴格來說這兩部並非鹹片, 而是有色情成份的劇情片. 吳岱融曾在TVB有令人難忘的代表作<絕代雙驕>, 快速上位. 吳岱融在電影圈也圓了導演夢, 執導七部電影, 包括<死亡監獄>(1994)和 <社團之撚位>(2000)等.

吳啟華


(以上劇照來自<玉蒲團之偷情寶鑑>(1991))

曾在英國留學完成預科的吳啟華, 從無線的藝員訓練班畢業而入電視圈, 其後因種種糾紛離開電視台, 全力晉身影壇, 當中接拍<玉蒲團之偷情寶鑑>(1991)、<滿清十大酷刑<(1995)等數部三級片. 吳啟華之後重返無線, 拍攝了<妙手仁心>而大熱, 登上一線小生之列. 不過, 後來有網民指他樣貌酷似拉登, 吳啟華極度不滿.

詹秉熙


\ (以上劇照來自<蝦碌情聖>(1993))

有誰還記得詹秉熙? 他在1984年TVB藝員訓練班畢業後隨即當男主角, 在<畫出彩虹>裏與張曼玉談情. 後來因得罪高層被雪藏, 解凍後已不再受力捧. 他後來接拍了幾部艷情小作, 包括<蝦碌情聖>、<現代情慾篇之換妻檔案>和<慾焰狂情>等, 同期也加盟亞視拍劇. 這個聽來仿如隔世的名字, 原來在千禧過後, 一直不時在亞視有作品, 甚至有少量小本電影演出, 最近一部是2009年的三級鬼片<荷花三娘子>...

王書麒


(以上劇照來自<深圳公路搶車劫殺之六魔女>(1996))

我細細個就聽個黃書麒個名...只因他在港台劇集<小時候>任童星, 家傳戶曉. 王書麒自<第8站>起拍港產片, 產量不算多, 也在無線及亞視拍過電視劇. 在三級熱潮的後段, 王書麒才拍<滿清禁宮奇案>加入這個行列; 到熱潮過後, 很多三級男星另謀出路, 變相剩下黃書麒接拍這類作品, 一直至2003年才停止. 該年, 他與歌星許秋怡結婚, 其後產下一子. 近年, 王書麒在香港電台做主持.

湯鎮宗


(以上劇照來自<羔羊大律師>(1992))

相比起弟弟、「五虎將」之一的湯鎮業, 湯鎮宗在香港的演藝事業較為失色. 他受弟弟的薰陶下參加無線訓練班, 其後加入邵氏, 接拍過恐怖片<連體>(1984)和<江湖了斷>, 又成為亞視演員. 在九十年初, 已開始到大陸及台灣發展, 直至今時今日. 經常覺得湯鎮宗拍過許多情慾片, 細數之下, 也只是聊聊數部. 這反映出他的事業確實乏善足陳, 連短暫的三級路程已是最叫人深刻難忘.

吳聲發


(以上劇照來自<塘西風月痕>(1992))

吳聲發經亞視的<電視先生>選舉入行, 只有少量亞視劇集及電影作品.

洪鋒


(以上劇照來自<新七擒七縱七色狼>(1994))

這位大叔...熟口面嗎? 洪鋒早在1973年便在電影有演出, 早期都是長城、鳳凰和新聯等左派電影作品, 後來加入邵氏成為合約演員, 最有印象應是在<打蛇>裏的「毒蛇」. 在他拍過的眾多電影中, 角色包羅萬有, 可算是百搭配角. 在九十年代, 洪鋒接拍的三級片十隻手指也數不完, 他樣貌淫賤, 動作花巧, 雖不是靚仔, 仍受片商歡迎.

金彪



與洪鋒同期出道的另一位阿叔演員金彪, 若有留意七十年代末到九十年代初的港產片, 真的很難會對他陌生. 他在三級年代時已年紀不輕, 還要瞓身演出床上戲. OMG...

猛丁哥


猛丁哥與金彪和洪鋒也是同期, 外型保養得比兩人略好, 而且練得一身肌肉. 他在早年拍過不少武打及黑社會電影, 最有名的是數字系列電影<六三三>、<四二六>、<四二八>和<一零八>全有他份參演.

鄧仲坤
\

傅偉祈


徐一刀



[同場加映] 徐一刀並非專業演員, 而是一名專門拍攝鹹片的導演, 但興之所至, 遇到心儀的女優, 也會在自導自演, 在鏡頭前打其真軍. 記得當年看過他的文字訪問, 在他拍攝<五十嵐的誘惑>, 便將日本AV女優五十嵐在自己執鏡時就地正法. 當年沒有機會欣賞過他執導的色情電影, 如今這些作品沒有出版VCD/DVD, 所以也遺憾地緣慳一面. 雖然如此, 徐一刀對香港的色情文化有著重要的影響, 曾從日本引入該地鹹片, 在香港成立日活院線發行.

在香港演過三級情慾戲份的男演員不少, 包括影帝級的黃秋生和任達華, 還有方中信、鄭浩南和吳毅將等, 他們近年也活躍於演藝圈, 而且也並非特意發展三級路線, 就此略去. 觀乎以上介紹的男星, 並非如三級女星般因為上位而踏上此路, 反而很多時因為缺乏幕前機會, 或生活窮困, 在迫不得已下才作這艱難的選擇.

來到這裏, 「色情男女」系列正式告一段落, 多謝收看!

43 則留言:

  1. .書麒 姓「王」

    .五十嵐的誘惑 有出過 VCD

    .吳霆、陳健一、潘德銓、徐寶麟 呢幾位又入圍冇? :P

    回覆刪除
    回覆
    1. 琛, 「王」書麒已更正, 多謝指正.

      《五十嵐的誘惑》有出過VCD? 未見過...還可以找到嗎? 這部戲連hkmdb都搵唔到, 撞鬼...

      吳霆、陳健一、潘德銓、徐寶麟...點解你連咁偏的三級男生都識? :P

      刪除
    2. 吳霆係前電視演員吳業光既仔; 陳健一應該係三度誘惑做陳寶轅個friend果條矮矮四眼佬; 徐寶麟係徐寶鳳個細佬,做過tvb藝員; 潘德銓就唔知乜水啦!

      刪除
    3. 琛/Apollo, 只可以講, 你對演員的熟悉程度真係超高!

      陳健一其實我都有睇過好幾部三級片有佢份做...但係行行企企, 唔覺佢有何三級演出...?

      刪除
    4. 補充:吳霆 又名 吳鎮威。

      健一 ... 有冇睇過 凶宅胭脂、四大天王之伴遊套餐、射雞英雄傳 呢幾套?

      潘德銓、徐寶麟 唔偏,九十年代初三級片盛行之時正是佢o地發光發熱之時 :P
      印象中兩位都係電視出身。

      刪除
    5. 琛, 多謝你的資料! 你提的幾部三級片都無睇過啦...不過單憑戲名,《射雞英雄傳》好似最得, 搵來睇下先.

      刪除
    6. BTW,《射雞英雄傳》只係部低成本電視電影製作。

      刪除
  2. 回覆
    1. KKL, 多謝提醒. 林偉健第一套三級情慾片為1998年, 遺漏了, 定將補回.

      刪除
  3. 潘震偉我只係覺得佢高大,但係一d都唔俊朗,我覺得佢笑起上嚟仲有d猥瑣。記得90年代有單新聞話佢同林俊賢响邵氏宿舍度打交。之後都基本上消失咗响娛樂圈。另外仲記得多年前有報紙話佢淪落到响九龍城某士多打躉,我當時時仲特登同成班同學特登走去嗰度一睹佢既風采添!

    翁世傑最經典都係最佳損友做劉德華個大佬,因為佢最後都叫做做返一次好人!

    李中寧仲曾經寫過小說,佢寫果本夢幻英雄傳而家公共圖書館而家都仲有得借!

    回覆刪除
    回覆
    1. Apollo, 李中寧出過武俠小說?! 猜想唔到原來佢都係一個文人, 同埋都算多才多藝...你是否閱讀過呢? 文筆如何?

      刪除
    2. 李中寧 仲做過某不見經傳雜誌的編輯寫手添。

      刪除
    3. 記得篇報導係話潘震偉佢自己開咗間士多,在劈蔗中...

      刪除
    4. dts6.1, 我諗...間士多可能已經執笠. 近十幾年都無潘震偉的消息了.

      刪除
    5. 李中寧原來還是蔡李佛高手
      http://www.youtube.com/watch?v=OFymEAmPEh0
      http://www.youtube.com/watch?v=1hiSqbWLM-Q

      刪除
  4. 好嘢!輪到男優

    吳大維套「女機械人」算唔算呀?

    徐一刀真係經典!

    回覆刪除
    回覆
    1. 卡臣兄, 吳大維唔算了...總有一些戲有大膽床戲, 但《女機械人》都唔算三級情慾片了. 話時話, 佢拍床上戲都好唔投入...

      你有睇過徐一刀? 我無呀...

      現在順便徵求徐一刀的任何作品, 有者請email我. 多謝.

      刪除
    2. 徐一刀 曾升呢投資過兩部菲林電影:

      愛人、女童黨性風暴

      (用回真名擔任 出品人)

      刪除
    3. 琛兄, 在hkmdb查過, 出品人名為徐國良. 在該記錄裏, 此人還曾當過很多台灣電影的製片, 是資料出錯? 徐一刀好似之前賣手錶...

      刪除
    4. 同名之誤,資料館也是如此渾為一談。

      刪除
  5. 呢度各位認真厲害!
    詹秉熙早幾年火車站見過,已經係一位平凡中佬。
    徐一刀呢啲真係掛住自己嘆,唔理效果好唔好。

    回覆刪除
    回覆
    1. 徐錦江嗰幕當年真係笑到反肚。

      刪除
    2. 蝸牛, 詹秉熙外型根本就平凡, 只不過由平凡青年變為平凡中佬而已. 你又會咁好眼認得佢? 睇維基百科, 原來詹生現已成為福建省政協...

      徐錦江的「能樣」造型, 這條橋簡直一絕, 為港式粗口形像化, 真係估佢唔到.

      刪除
  6. 徐錦江在藝術學院畢業,學繪畫,簡直發夢都未諗過,我以為他是一位粗人。

    回覆刪除
    回覆
    1. 佛爺, 所謂人不可貌相. 睇過徐錦江一個訪問, 他說話好有禮貌, 帶點溫柔, 並非粗聲粗氣, 同粗獷的形像好唔夾.

      刪除
  7. 吳聲發係'電視先生' , 另外 印象比較深的係 我為卿狂的林建輝, 佢都係TBB拍
    過劇的

    回覆刪除
    回覆
    1. Calvin, 多謝指正, 文中資料已更改.

      林建輝就係拍過一部《我為卿狂》, 之後都無再在任何電影演出...你又會記得佢係TBB拍過劇...該台太多小角, 我通常無理. 你地真係好勁!

      刪除
  8. 見完呢篇真係覺得好多男星拍三級片真係只係為兩餐...而唔係好似大部份女星咁為左紅...

    上述好多男星,果時見到佢地拍三級片都真係10個問號O係個頭度..點解佢都會拍既? 佢都有名氣架喇喎? 等等.....好明顯名氣係唔可以當飯食....

    徐錦江-我個人真係好喜歡佢(排第二)...可以粗獷, 可以搞笑, 真人卻很溫和(之前睇過好耐一集康熙來了訪問佢, 應該係2006-7年既集數, 當佢講起接拍三級片既時候, 仍然禁不住留下男兒淚)

    翁世傑-對佢既印象都係最佳損友既大佬角色比較多, 最近一次親眼遇上佢係上年12月去澳門工幹時在MACAU BANYAN TREE 酒店既LOBBY 見到佢,係老左...不過身材仍然好FIT..好斯文, 的而且確, 係有D同性朋友既感覺..

    李中寧-嘩你唔講我都唔知佢係葉童既同父異母哥哥....有睇過佢度三級MAN..造型都幾搞笑

    單立文-呢個係排第一鐘意.....豹哥真係可以講無得頂..佢令我覺得如果有真既西門慶既話, 咁一定就係好似佢咁既樣...又係好少人做奸角得黎...係唔會憎佢...

    回覆刪除
    回覆
    1. Melody, 單立文係當時我覺得最驚訝會拍三級片的演員. 我成日以為band友有自己的態度, 不為五斗米折腰, 更何況是一般人覺得較低俗的三級片. 不論他想法如何, 今時今日我知道世界艱難, 可能佢地真係有佢地苦衷...

      刪除
  9. 關於林偉, 我有D野想補充, 我不知他是否演藝畢業, 但我幾肯定當年佢參加過邱
    德根時代亞視的 超級模特兒大賽, 又拍過一部天橋的劇集, 之後先過無線 , 後來再回歸亞視的

    回覆刪除
    回覆
    1. Calvin, 多謝你的資料. 剛剛搜尋了一下, 林偉應是在1987年參加亞視的超級模特兒大賽, 不過就應該無贏, 冠軍應該叫黎劍星. 若是這樣的話, 林偉在參選已拍了第一部電影了.

      BTW, 原來林偉已經再簽約無視, 遲些應該在TVB的劇集見到佢.

      刪除
  10. 以前有次喺紅磡行街見到李中零,嗰時佢拍完三級片冇耐。當時我同我表妹一齊,佢好唔生性咁離遠大叫 "三級man!!!!!" 哇,李中零個樣嬲到爆呀....仲怒啤我同我表妹添...唉..諗番都覺得當時好衰

    回覆刪除
    回覆
    1. 用不著怒啤吧,食得咸魚抵得喝嘛
      仲要係岩岩拍完無耐。應該都預咗啦

      刪除
    2. 好多演員做奸角, 影迷在街上大罵, 演員都覺得好開心, 因為顯示自己演技深入民心云云...李中寧應該開心先係, 「三級man」咁深入民心!

      刪除
  11. 仲有,batman begins 有翁世傑咩 ?? 邊part ???

    回覆刪除
    回覆
    1. Gov, 翁世傑在《Batman Begins》飾演一個軍官, 請參考以下網頁. 其實傳媒都幾唔公平, 陳冠希在Christopher Nolan的蝙蝠俠第二集出現一秒鐘都大肆報導, 翁世傑就提都無人提...
      http://chrisnolan.wikia.com/wiki/Stuart_Ong

      刪除
  12. 我覺得劉的之"正"好多,
    佢係唔係真係死左?
    internet完全冇佢既消息......
    你話佢做鴨, 真定假ga?!

    林偉以前都好正!

    回覆刪除
    回覆
    1. 你好, 其實之前我都好似有寫過, 聽聞劉的之係有facebook account的, 所以應該未死. 其實佢都好多負聞, 做鴨都係傳聞, 我答唔到你真定假!

      我諗劉的之同林偉呢類健碩型男星又肯露的, 應該男女fans都有唔少...

      刪除
  13. 黃德斌都拍, 不過果時個心口未有咁勁.
    胡越山又怕, 我唔明點解佢會拍, 當時佢形象好健康, 又做歌星, 唔通為兩餐, 不過, 我睇現代豪放女, 我發覺有一場徐淑媛叫鴨, 這鴨是胡越山, 佢咁早出道架咩, 當時一定好細個.
    陳寶轅又係, 果時都仲係好young, 仲係做緊舞蹈員.
    最怕睇曹查理...好想嘔.

    回覆刪除
    回覆
    1. 魔兒尼, 三級片你真係專家. 胡越山1985年已經出道兼夠年齡扮鴨?

      曹查理, 我鍾意睇佢做喜劇, 三級片就唔啱我.

      刪除
  14. 回覆
    1. 文中都有提及, 鄭浩南、方中信、黃秋生等等, 都拍過三級片, 但並非他們刻意發展的方向, 所以都從略沒有特別列出.

      刪除
  15. 有人知道 譚國華/李志威 ?
    靚仔 但唔出名 又冇咩資料

    回覆刪除