2011年11月20日星期日

天才童星: 汪偉

一向以來, 香港盛產不同類型的電視電影作品, 衍生了不少明星, 而其中童星算是較少人留意的類別. 歸根究底, 很少童星會任主角, 通常是一部劇集或電影重心人物以外的角色, 而他們亦未必會有代表作, 或長時間曝光令人有深刻印象. 今次寫的天才童星汪偉, 有響噹噹的作品, 當過主角, 也是童星生涯比較長的小朋友.

(以上劇照來自香港電台電視部拍製的<獅子山下>中的<夜歸人>)

據說汪偉生於1972年, 早期在麗的電視出鏡, 期後令他聲名大噪的, 卻是方育平為香港電台電視部拍製的<野孩子>. 之後他陸續在麗的及港台的劇集演出, 多不勝數. 後來, 汪偉也跳進大銀幕演出, 並拍過精彩的代表作<滑稽時代>.

追溯到汪偉最早的作品, 可能是1975年, 即是他三歳時的麗的廉政單元劇<靜默的革命>. 1976年他也演出過麥當雄的<大丈夫>, 在其中一集<沙灘老鼠>中, 被小偷集團聘用, 匿藏在竹籮裏, 由裝扮成垃圾佬的小偷拖行著, 汪偉在竹籮開洞偷竊手提卡式播放音響. 後來被嘉倫飾演的CID抓到, 抱住去指證偷竊集團負責人. 該集裏有其他小朋友演出, 汪偉年紀最小, 卻被編有最多的戲份.


(以上劇照來自麗的劇集<大丈夫>中的<沙灘老鼠>)

1977年, 方育平拍的<野孩子>, 好評無數, 汪偉是整部劇集的靈魂, 一句"細龜變大龜, 大龜便細龜"使觀眾記憶猶新. 方育平也繼續任用汪偉, 拍了獅子山下的<夜歸人>, 小汪偉父母忙碌, 只得自己在街上遊蕩, 逗途人跟他玩, 與朱江飾演、為搶新聞不擇手段的記者發生一段奇妙的友誼, 最後卻被在交通意外中被車撞傷.

(以上youtube片段來自香港電台電視部拍製的<獅子山下>中的<野孩子>)



(以上劇照來自香港電台電視部拍製的<獅子山下>中的<夜歸人>)

之後, 汪偉有份在兩套經典的麗的劇集<大地恩情>(1980)和<陳真>(1982)參予演出. 在<大地恩情>裏, 汪偉飾演的角色叫楊潤生, 為農民楊大可(吳回)的兒子, 是六斤(岳華)、九斤(劉志榮)和阿滿(李賽鳳)的弟弟! 而在<陳真>裏, 汪偉是皇甫一脈, 是皇甫一驃(董驃)和皇甫大嫂(李月清)的姪兒, 與霍元甲的兒子霍東覺(張家偉)經常一起. 這兩套劇我當時都沒有收看, 只是後期在網上零碎看過幾集.

(以上劇照來自麗的劇集<大地恩情>)


(以上劇照來自麗的劇集<陳真>)

汪偉在電影圈的作品不及在電視上多, 但不得不提他在<滑稽時代>的精湛演技. <滑稽時代>是新藝城打響頭炮之作, 石天在片內模仿差利卓別靈的默劇演出, 也與他的作品一樣, 笑中帶淚, 對社會諷刺反思. 石天和汪偉的角色都是窮到燶, 為吃飽而不斷歷險闖禍. 石天的肢體表情誇張, 亦有內心戲, 難得與之前汪偉在電視上的演出要求相差甚遠, 小童星也能配合得天衣無縫. 其中兩場戲我覺得最好看, 其一是石天與汪偉合謀逃亡, 石天抱著汪偉在前面扮老公公, 而自己則扮咬著奶咀的BB, 十分好笑; 另一場則是對著蛋糕碎, 被石天叫幻想是好味的豬扒, 汪偉活出了餓壞了的小孩的感覺.






(以上劇照來自電影<滑稽時代>)

汪偉在同年也參演了 BANG BANG 的製作<1-2-3>. 專為兒童而拍的電影, 近年只有動畫卡通, 而當年就有這部由辛尼哥哥、杜少明、譚天南、蘇絲黃、喬宏及一眾童星演出的真人電影. <1-2-3>的故事性甚低, 都是描寫在學校開學時同學互相分黨派的軼事. 汪志偉(汪偉)是其中一黨之首, 與張家偉等對抗另一方 Billy 與鄭英豪等. 汪偉一如以往活潑精靈, 但骨子裏就多了一份得戚及"寸".




(以上劇照來自電影<1-2-3>)

到了1985年, 汪偉客串了<我願意>, 在戲內飾演廖偉雄阿燦的弟弟, 成為他最後的電影演出. 當時汪偉已是13歳, 踏入童星尷尬之年, 而他的樣貌也少了一份可愛及童真了.


(以上劇照來自電影<我願意>)

汪偉仔長大成人後, 再沒有回到幕前, 反而成為幕後的燈光師. 在最後, 讓我們重溫一個經典麗寶洗衣粉廣告, 汪偉是裏面的污糟貓.


伸延閱讀: 性格童星: 張家偉

40 則留言:

  1. 喺大地恩情入面,我記得汪偉所飾演既潤生最後俾屋企人送咗入去孤兒院。另外,我想問下你喺文中提及嘅另一個童星張家偉係咩人?可唔可以介紹下佢?因為我前幾日喺另一套電影細圈仔入面都見到佢嘅演出,我記得好細好細個果時見到有D ETV 都有佢嘅演出,佢俾我嘅印象係性格倔強嘅細路。

    回覆刪除
  2. Apollo, 謝謝你的提議. 我都好想寫多點關於七八十年代的童星, 不過正如在文中所講, 除了汪偉外, 好多童星的資料都好難搵, 有關張家偉能搜羅到的都好有限. 汪偉因為演出較多所以資料夠寫一篇, 其他的若能找到足夠資料集合寫一篇就好...

    回覆刪除
  3. 我對於汪偉的印象就是來自滑稽時代...第一次看的時候便覺得佢好識做戲...識做戲到已經唔記得左佢係一個小朋友..哈哈

    其他的童星中, 我記得既有小柏林同BILLY 仔...

    小柏林後來TV 有講佢做左警察...而BILLY仔依家就是金融界高層, 已婚育有一女

    回覆刪除
  4. Melody, 多謝你的資料! 我其實對Billy仔印象唔深...佢結婚生咗女你都知...勁呀!

    回覆刪除
  5. 因為細個時好鐘意睇一套由肥kent 鄭則士拍的[失婚老豆], billy仔入面係做佢個仔...所以幾有印象

    而知道佢現在的狀況, 皆因在facebook 見到一個不太熟的中學同學的結婚照...先知佢嫁了俾長大成人的billy仔 :p , 仲有佢地同個女女眉合照等等...

    回覆刪除
  6. 1-2-3有入場看呢!

    回覆刪除
  7. 皇甫一脈應該是皇甫一驃的姪兒,李月清犧牲親生子救霍東閣一場幾感人的。

    回覆刪除
  8. Melody, 請問你知否Billy仔的真名?

    Snail, 內文已更正皇甫一脈和皇甫一驃的關係, 多謝指正. 1-2-3我都有入場看, 仲買了原聲卡式帶, 不過已經唔知去咗邊!!

    回覆刪除
  9. 佢真名叫李家豪

    呢度有少少佢以前拍劇的INFO...不過唔知點解呢度話佢既英文名叫CLARENCE...哈哈
    http://hkmdb.com/db/people/view.mhtml?id=6472&display_set=big5

    回覆刪除
  10. 哦,原來呢個叫Billy仔。

    回覆刪除
  11. Melody, thank you! Billy 仔原來又叫 Clarence :)

    回覆刪除
  12. Meloday, are you quite sure 李家豪 is Billy仔? If I remember correclty Billy仔 was one of the original child actors in 跳飛機 and 李家豪 doesn't look like anyone of them I can remember. Unless there are two child actors with the same name, I believe Billy仔 is the one standing next to 汪偉 in the last <1-2-3> photo still of this page, the one who is in a red T-shirt and squinting his eyes. I search online and reportedly *this* Billy仔 has now settled in L.A. as a banker.

    回覆刪除
  13. Hi shangri_la

    Don't know there's two Billy here. the Billy I mention is the banker you said....but he's now working in HK and happen to married with my highschool schoolmate and have a cute 1 year old daughter

    回覆刪除
  14. 您好,我係張家偉,喺同事介紹下睇咗閣下寫呢篇天才星:汪偉,腦海中頓時浮現咗好多兒時畫面。汪偉的而且確,係我合作過咁多小演員當中,其中一個真係有演技,而唔係齋靠樣子可愛或老成表情o既:)閣下對電影的熱誠令人拜服,CAP相o既技巧更加出神入化,請繼續為70後o既港人帶來更多回憶,謝謝:)

    回覆刪除
  15. 張家偉先生, 你好! 多謝你的留言, 實在令我十分驚喜! 你當年的演出也如汪偉一樣令我們津津樂道, 如果你有看這篇的留言也會留意有網友提議小弟寫寫有關你的, 但可惜在網上能找到的資料不多. 冒昧說句, 若你不介意的話, 可以提供多點關於你演出的經歷和資料, 請email我. 正如你所說, 我們這一代的人, 開始珍惜童年時的回憶, 而你亦是我們回憶的一部份!

    回覆刪除
  16. shangri_la/Melody, "誰是Billy仔"這個遊戲認真難玩. shangri_la提到我在《1-2-3》最後一幅截圖紅色衫那位小朋友名叫鄭英豪, 是否另名Billy仔不得而知; 而Melody提供的李家豪在《1-2-3》裏是沒有演出的. 在戲中叫Billy的角色, 是《1-2-3》尾二截圖在汪偉後的小朋友. 由於該戲角色與童星真實名字相若, 我懷疑他是Billy仔? 原來這些年來, 叫Billy仔的童星起碼有三位, 近期也有, 所以在網上更難找呀!

    回覆刪除
  17. 但如果我畀資料你寫我,好似好怪喎:)哈哈哈哈
    不如你send問題畀我答你啦,hahaha

    回覆刪除
  18. 張家偉先生, 無問題, 只要你唔介意俾我寫, 我可以先預備一些問題send給你, 不過都請你send個email俾我, 我先搵到你...!! 先謝! :)

    回覆刪除
  19. 哈哈。原來大家心中都有各自的Billy 仔 :)
    真係thank you 哂 30 something 寫嘅呢一篇為大家帶出話題

    還有特別嘉賓的留言。真係高興

    回覆刪除
  20. 一流童星不吝讚賞另一位童星,真有意思!

    回覆刪除
  21. 你睇你睇,呢個blog越來越hit啦 ^^,最記得張家偉先生喺ETV同陳真嘅演出... 如果我冇記錯,有一集ETV你係演一個剩係食零食唔食正餐嘅小朋友,結果營養不良暈咗....

    回覆刪除
  22. Gov, 多謝支持. 原來童星題目大家都好鐘意, 真係有好多回憶都係來自可以上電視或拍戲而又同齡的小朋友. 你的記憶又真係好好, 連咁耐之前睇過的ETV的內容都會記得!

    回覆刪除
  23. GOV兄,內容好似係我飾演的角色為了買遊戲機而不吃早餐,將錢留起搞到暈咗,我記得個集好似叫做《小明的早餐》添:)哈哈:)

    回覆刪除
  24. 係喎 哈哈
    ETV你自己有冇keep 個 copy 呀 ?

    回覆刪除
  25. 無啦,一切只能成追憶.......:)

    回覆刪除
  26. 你們好, 多謝30something讓我想番起「野孩子」, 他這幾天不斷在我腦海, 我亦不斷向家人朋友介紹這位「野孩子」, 多謝你.

    回覆刪除
  27. welkin, 多謝支持. 很高興這篇關於汪偉仔的, 能令你拾回以前的回憶, 遲些我會寫另一童星張家偉, 希望也能令你記起更多當年的回憶.

    回覆刪除
  28. 張家偉呀~ 現今科技真的令大家拉近~好開心呀~
    當年(我細細個)覺得你好曳, 哈哈~全因你演技出色~
    希望你現在過的生活開心~



    多謝版主的blog~, 我第一次來,本來是google"文仔的肥皂泡"~ 就到了這地。

    回覆刪除
  29. 匿名網友,多謝到訪及留言!得閒多D嚟啦!

    回覆刪除
  30. 匿名網友,您好,我真人好乖架:)哈哈哈

    回覆刪除
  31. 版主, 謝謝~~ 期待張家偉的出現, and 請問你有無夜歸人嘅video, 可否post嚟睇睇~~ 謝謝~~

    回覆刪除
  32. welkin, 關於張家偉的文章已發佈了...至於夜歸人, 因為版權持有人係港台, 我驚post出來唔知有咩後果呀

    回覆刪除
  33. 30 something 兄,有事請教,
    http://www.youtube.com/watch?v=EbZhQSjzXMY
    中個男仔叫咩名?

    回覆刪除
  34. Ernie, 對不起, 我真的不知道那個童星叫咩名, 不過個樣就好熟口面.

    回覆刪除
  35. 唔緊要啦30兄!你個blog好有心機,但就考試所以無時間逐一細閱,考完一定慢慢睇哂佢。加油!

    回覆刪除
  36. 嘩, 連當年的童星也在留言,樓主cap左d相我又得他woo, 當年atv的童星都好多戲份ga,於rthk果時好似叫父之過比老豆體罰因誤會偷阿媽$夜馬馬的去用凍水沖身果幕我有印象,及好似唔知係咪最後at港台尾場戲好似叫--黑仔強(黃秋生、黃貫中飾演)好明顯那時我估閣下童星樓主都高中年齡; 不過都想知閣下當年如何抽時間又拍戲又兼顧學業呢????好似以前馮志豐做童星時都冇話對童星特別厚待做錯一樣照比人丙; 大家一於繼續努力找回多d昔日童星推post上去; 本人對70後出生的童星認識不多, 頂多係小柏林、黃寶龍、唐寧、梁俊傑、何靈靈、張繼聰(近年先知)果d童星... 不過當年有個web好似叫--老友記, 如今好似冇左

    回覆刪除
  37. 匿名網友, 你是問張家偉嗎? 我另外開了一篇文章關於張家偉的:
    http://thirty-something-hk.blogspot.com/2011/12/blog-post_08.html

    你提到的童星, 除了小柏林外, 其他都不算是家傳戶曉的童星. 不過黃寶龍、梁俊傑、何靈靈我都唔係好識, 有無多點資料提供呢? 謝謝!

    回覆刪除
  38. 汪偉咁有天份,最後竟然係走去做「燈光師」??

    回覆刪除