2012年8月5日星期日

金像影后林碧琪的成名作: 靚妹仔 (1982)

Lonely Fifteen


在整個八十年代, 若要選出具代表性的電影, 必定要有<靚妹仔>. 這部劃時代的作品, 是由麥當雄監製, 黎大煒導演的刀仔鋸大樹之嘗試, 製作成本低, 起用新人作為主角, 以寫實拍攝手法, 探討青少年問題. 在新浪潮時期, <靚妹仔>為觀眾提供了在題材和製作上的另類選擇, 取向受到巿場認同, 竟收票房過千萬.


說起<靚妹仔>, 又怎能不提林碧琪? 此片的女主角, 拍完<靚妹仔>後, 她討厭拍戲, 於是拒絕豐厚片酬, 成為一片演員. 隨後又憑此唯一作品成為最佳女主角, 打贏張艾嘉、鍾楚紅、繆騫人、馬斯晨等好戲之人. 雖然晉身金像影后, 在我而言, 她的戲外世界, 比起<靚妹仔>和她的演出更加精采, 更加懾人.

<靚妹仔>的故事是有關陳碧琪(林碧琪), 童年時本有個幸福家庭, 在中學時代, 碧琪入讀品學皆劣的學校, 學生無心上課, 又煙又酒, 更有出鐘做魚蛋妹的. 碧琪與一班同學姐妹出席男生相約的派對, 男男女女在吸食大麻, 玩脫衣遊戲, 來為又瘦又矮的男生慶祝生日.





碧琪的父母離異, 她跟隨母親(朱承彩), 而母親則找了個健碩的菲律賓人Sam做男友, 終日在家打鼓練結他, 碧琪最討厭他; 父親也已再婚, 育有一個幾歳的兒子. 碧琪不時到父親經營的燈飾店拿取生活費, 並探望她最喜愛的爺爺. 她看見父親的新任太太和弟弟, 對爺爺態度極差, 忍不住在店內肆意破壞, 來發洩她的不憤.






碧琪的最好姐妹Irene(溫碧霞)課餘在服裝店兼職, 經常把舊衫換新衫, 又把店裏弄得污煙瘴氣, 令老闆娘氣極. 晚上碧琪和Irene相約其他同學到Disco消遺, 對跳舞跳得起勁的Peter(麥德和)有深刻印象. 翌日, 碧琪與壞同學在超巿偷竊失敗, 被人束手就擒, 經苦苦哀求經理才答應不報警, 可是卻召來校長及班主任, 碧琪即時被踢出校, 還要在超巿內被罰. Irene與其他同學雖有份偷竊, 卻憑運氣逃脫, 但就迫不得已不認碧琪. 碧琪被放走後, 與Irene在街上大吵大鬧, 還對圍觀的男生拳打腳踢. 碧琪一走了之, 卻重遇Peter, 被他搭訕並向邀請上他的車子.






貪玩的碧琪要求Peter淮許無牌的她駕車, 她卻不一會便炒車. Peter把撞至殘破的汽車回到父親經營的車房, 被他訓斥一頓. Peter帶碧琪到維園滾軸溜冰, 碧琪對活力十足, 精通運動的Peter另眼相看, 要求Peter指導, Peter答應, 惟先要買Roller鞋. 碧琪回家向媽媽要錢, 並說是校內課外活動的費用, 被母親揭穿她早已被踢出校. 碧琪被拒絕, 加上賓佬幸災樂禍, 心有不甘, 對母親說出難聽的說話, 引起母親憤怒地掌摑女兒.






碧琪離家出走, 為生活, 為買滾軸溜冰鞋, 向同輩借錢. 她的姐妹們慫恿碧琪賣身賺錢, 在同輩壓力下踏上做魚蛋妹之路. 在第一次為客人以手解決後, 卻覺異常噁心. 碧琪再見Peter, 因不夠錢想放棄買滾軸溜冰鞋, 但愛郎已經為她付款. 碧琪與Peter上床, 一夜纏綿後覺得Peter身上的紋身非常有型, 自己也弄了一個類似的紋身在胸前.






Peter早已向碧琪坦白跟隨他沒有好結果, 他之前犯事入冊, 與家庭關係惡劣, 而他也本來有一個女朋友. 這個前度女友也在監獄熬了一段時間, 出來後立即找尋Peter下落. 當她知道碧琪的存在, 便宣示以前和Peter的關係, 勢要將男友搶回來. 兩女爭一男, 她們就在街外先口角後動粗. Peter對碧琪賭氣說二人關後告吹, 令她崩潰, 到朋友家裏訴苦. 這時, 好友Irene已搭上富家子弟Tommy(潘宏彬). Irene與Tommy在床上纏綿, 碧琪就睡在房間的地上.




碧琪繼續在夜總會上班, 還有老頭穿針引線為她和她的朋友當金融公關, 向她們洗腦說搵錢才是皇道, 前途可有多明朗. 碧琪濃娤艷抺準備上班, 卻巧遇母親, 被拉去喝茶. 碧琪只瞞騙母親在茶樓當招待的工作, 母親知道生活艱難, 邀請女兒回家居住, 惟她最討厭該賓佬, 明言有他在便無可能回去. 母親感到寂寞, 才找來男友陪伴, 碧琪卻聽不入耳, 拂袖而去. 臨走前母親告訴碧琪, 爺爺已病逝. 此消息令傷心欲絕, 她立刻到爺爺的墓前拜祭.






靚妹仔雖為生活和金錢奔波, 但貪玩性格不改. 碧琪和Irene在夜場認識幾名公子, 一晚夜訪墳場, 其中一名公子大玩童乩, 請壇上身後, 跳來跳去, 又用刀把自己劈得滿身鮮血, 嚇得所有人驚叫. 兩名男的趕忙制止, 那個被上身的公子靈體離開後, 大喊很痛, 於是大夥人驅車前往接載他往醫院急救. 他們無視交通管制, 終於發生意外, 撞向盛載易燃物品的貨車. 碧琪和Irene都保住性命, 安然無恙. 可惜同行女伴則恐被毀容, 她的母親在醫院呼天搶地, 使碧琪和Irene也動容.






碧琪在夜總會上班時, 碰著母親和她男友到該處娛樂. 母親驚見女兒做小姐, 勸導她回家, 離開這種不良場所, 與碧琪拉拉扯扯, 終於也不歡而散. 思前想後, 母親還是想女兒返回身邊, 於是向Sam攤牌, 要求他另覓居所. Sam聽到後不能接受而情緒失控, 把碧琪母殘暴虐打, 驚動警察上門調停. 但Sam恃著恐武有力, 連警方也不怕, 最終被槍擊, 當場死亡.






Tommy和Irene打得火熱, Irene懷有身孕, 還計劃要結婚, 然後在加拿大定居, Irene便可與在加國坐牢的母親重逢. Irene為迎接新生活, 還積極地學習英語. 她在茶聚時高興地將此消息告訴好友, 失戀中的碧琪羡慕不已. 可惜Tommy心底裏根本不想與Irene一起, 在茶聚中把Irene召開密談, 原來是分手表白. Irene如夢初醒, 無法接受被抛棄, 碧琪整晚陪伴在旁開解. 無奈Irene痛不欲生, 決意尋死, 就在碧琪忽略的一剎那, Irene在地鐵抵站時跳軌...






失去摯友的碧琪仍然到夜場上班, 但黑口黑面, 被同組小姐在客人面前, 借題發揮出言侮蔑. 該小姐要與碧琪在後巷「隻揪」, 來宣洩她搶客和耍大牌的不滿. 突然Peter出現, 制止碧琪被欺負, 並「響朵」「長樂街Peter仔」, 叮囑小姐小心. 碧琪重遇Peter, 緊緊地擁抱著愛郎, 也不能自拔重新燃點起愛慕和情慾.






浪漫過後, Peter又想獨自離開, 處理社團事宜. 碧琪不想再孤單一人, 堅持要與他同行. 心軟的Peter應承先與她宵夜, 走出街外, 即被仇家跟蹤及襲擊, 連碧琪也成目標. Peter為保護女友, 以身軀擋著利刀的攻擊, 終被斬至滿身鮮血. 其後二人被送往醫院, Peter在救傷車內奄奄一息, 碧琪擔心不已. 母親接到消息後趕往醫院, 向女兒詢問Peter的狀況, 也關心地叫這迷途羔羊回家...






麥當雄在電影圈的發展, 多是以監製及編劇身份. 他有份策劃的影片, 大部份交由弟弟麥當傑和在麗的時代合作無間的弟子黎大煒執導. 黎大煒執導作品只有廿套左右, 但不乏賣座、有口碑和受歡迎的電影, 如早期的<猛鬼出籠>(1983)和<艷鬼發狂>(1984), 和後期加入劉德華的天幕電影製作公司的代表作<九一神鵰俠侶>(1991)和<九二神鵰之痴心情長劍>(1992), 還有最後一部執導的港產片<超時空要愛>(1998). 千禧過後, 黎大煒化身製作人, 參與了幾部國際性電影, 如有舒淇主演<The Transporter>(2002)和在2005年推出的續集.

說回林碧琪, 原名為袁碧琪, 中一後已輟學. 她樣貌清純漂亮, 但又帶點不羈, 被麥當雄稱為James Dean和山口百惠的合體. 在戲內的她, 體現了戲外的她, 反叛卻有個性, 做自己喜歡做的事. 自<靚妹仔>後, 輿論一面倒大讚十六歳的她是影壇新星, 是可造之材, 把幾十萬的天價片酬送到她面前, 也不為所動, 堅持不再拍戲. 在拍攝<靚妹仔>時, 有說她被迫裸露和拍床上戲, 麥當雄當然否然, 林碧琪也沒有特別發表意見, 只流傳成為<靚妹仔>的談論點.

其後, 林碧琪認識Fred Carpio, 即杜麗莎的胞弟, 未婚懷孕. 林的父母要求法院判決女兒受女童院監管, 因此林碧琪經過了一段被感化的日子. 男方的家長則一直贊成兩人結合, 而這也在林碧琪成年後實現. 這段不被看好的感情和婚姻, 到今時今日仍幸福美滿. 脫離電影圈的三十年, 傳媒仍對林碧琪有興趣, 早前拍得她的照片, 雖已四十七、八歳, 仍然非常美艷, 而且堅持不接受訪問.

<靚妹仔>在推出時, 震撼了香港影壇, 從現在看來, 也對往後港產片的發展有很大影響. 無可否認, <靚妹仔>有它的特色, 但我看過後卻無特別震撼的感覺, 可能是看過太多同類型電影的關係. 對林碧琪的演出, 新人來說可說是自然, 也夠電影要求的生活化, 但是否達到影后級數, 則有商榷餘地. 但有一點不容否定的, 是<靚妹仔>以現場收音, 為港產片的先鋒, 這對評價演技有幫助. 如麥德和的演出, 若無現場收音, 也不易察覺他有生硬的感覺, 而林碧琪則可因此加分.

24 則留言:

  1. 這套戲我中學考試下午入戲院看,長樂街peter仔。

    估不到林碧琪未離婚,果真異數,好嘢!

    回覆刪除
    回覆
    1. 唔只未離婚, 仲要係好幸福, 所以話, 世事無絕對.

      刪除
  2. omg, 呢套戲我半被逼地睇咗N咁多次,因為小弟個妹超like林碧琪同海潮....
    佢細細個跟呀媽去睇午夜場,已經好中意林碧琪
    可惜林小姐之後唔再拍戲... 呀妹真係好失落呀 XD
    好彩舊年八卦周刊忽然有林小姐嘅新聞,終於完咗佢嘅心願。一等等咗三十年...

    佢癲到響yahoo bid咗隻vcd 之後仲未夠,跟住再買 DVD.
    佢連iphone個ringtone都轉做 lipps inc 嘅 designer music.... 真係痴綫

    講番,老老實實,唔覺林碧琪做得十分好,反而温碧霞就好自然喇, 整定佢係食呢行飯,又或者對佢嚟講,演呢類角色冇難度啦。

    仲有,hehehehee 其實 錢嘉樂 都有份做 ,唔知有冇人留意到呢 ???

    回覆刪除
    回覆
    1. Gov, 你妹妹都幾多女演員偶像, 繼《逃出珊瑚海》的梁婉靜之後, 哈哈.

      我以下有幅截圖, 我這次重看時第一眼覺得有點錢嘉樂的影子, 再翻睇又覺唔係...莫非你是講佢?
      https://lh4.googleusercontent.com/--xhyjMPE3Nc/UB4st2YOvHI/AAAAAAAASEE/Gq70tIDaqD4/s400/15-30.JPG

      刪除
    2. hhahaa 好眼喎...

      我呀妹其實來來去去都係得幾個... XD
      仲有 王祖賢,佢又係超迷戀 haha

      刪除
    3. 原來真係佢...輪廓係似, 但戴咗眼鏡, 再加有耳環, 又覺得唔係好似.

      刪除
  3. 最有印象係玩神打果part,細個睇亞視重播影住d墓碑骨灰位,嚇到用手遮住隻眼

    再大d,睇番林碧琪真係好特別,如果可以見到廿十至三十歲果段時間佢既影片,訪問就好,可惜唔會有,無記錯好似有一張相係生完同弗列合照


    另外每逢行過長樂街就會腦入面會彈句 長樂街peter仔,哈哈

    回覆刪除
    回覆
    1. jeffrey, 神打的一段, 與整部戲有點唔夾, 我覺得好笑多過驚嚇.

      大家都記得長樂街Peter仔, 我反而記得該段戲話林碧琪同另一名小姐爭吵打鬥, 唔知點解後巷飄起好多棉花的物體, 懶浪漫化...

      刪除
  4. 原來林碧琪咁不羈。

    回覆刪除
    回覆
    1. 蝸牛, 佢係好有性格, 年紀輕輕愛情大過天, 大堆銀紙放在面前都不為所動. 香港電影圈都應該無出過同類型的演員.

      刪除
  5. 這套戲網路真難找,好不容易找到了,最後林碧琪性感那一段竟然被剪了。

    回覆刪除
    回覆
    1. Terry, 這部戲有DVD出售, 未算絕版. 不過, DVD同以前的VCD版本, 但應該有刪剪.

      刪除
    2. 有一幕紋身的有露點,不知是替身還是林碧琪本人?

      刪除
    3. 我會傾向相信係替身露點. 若傳聞說要以餵藥來哄她才拍得床上戲, 該場戲又沒有連接的鏡頭把露點和演員的面孔銜接, 我就覺得導演及劇組無需要搞咁多麻煩事情了. 不過只是我的愚見.

      刪除
  6. -謝謝介紹,呢套戲係我ALL TIME FAVOURITE, 30 兄不妨介紹埋佢姐妹作俏皮學生妹。 撇除無左林碧琪....CASTING 差唔多,都有海潮同麥德和,同某D SIDE CAST(EG食講點解唔好好讀書呢的老師出現左兩次 另外、還有叫碧琪做“導遊”個光頭佬)
    -有無聽聞過林碧琪係被制片人逼食左藥嘅情況下拍果場床上戲?

    -早幾年覺得JUNO個樣好似麥德和
    -看過這齣戲後有D愛上麥德和,有諗過去D演唱的酒樓搵佢(-__-||)
    -細個成日同家姐笑PETER仔個舊女友小翠個頭好似电飯煲,仲有教訓碧琪的小姐講番比碧琪聽佢既不滿係勁OLD SCHOOL。

    回覆刪除
    回覆
    1. 被蛇咬...All time favourite 咁利害? 《俏皮女學生》可能遲些才考慮寫, 畢竟題材太似了. 林碧琪被人餵食藥拍床上戲? 有聽過, 講到好無法無天...不過當事人都無證實, 拍片的當然唔會認.

      Juno?? 樣衰好多喎...雖然我都唔覺得麥德和靚仔.

      刪除
    2. 被蛇咬 , 你同我呀妹D taste 一樣呀,佢又係好中意 俏皮女學生 㗎,仲成鬼日係度唱 慼眼眉 添.....XD

      刪除
  7. 更正 是: 俏皮女學生

    回覆刪除
  8. 咁神奇,一套成名戲就收山結婚,可能母性作祟。

    回覆刪除
    回覆
    1. 佛爺, 據說林碧琪的目標一早set定係結婚生仔, 對電影事業完全無野心, 甚至係憎恨、不屑, 可能拍戲有好多陰影.

      刪除
    2. 我都相信佢拍戲待遇唔係好好,新人冇乜人尊重,有啲離譜野發生過真係唔奇。

      刪除
  9. 講到無咁橋,今朝有線,重播靚妹仔,哈哈

    發現一樣野,黎大煒搵蕭玉龍做左幾次警察
    佢拍果二套鬼片我覺得係香港最恐怖電影十大
    果d爛面鏡頭印象深刻,仲有夏惠姨死樣睇

    俏皮學生妹,有一幕麥德和同單眼佬(程東) 隻抽單眼老d打拳動作好好笑


    麥德和無佢阿哥咁型,相反覺得佢好薯,
    麥德羅又型仔跳舞又勁 係 摩登土佬 入面搶晒林子祥d戲

    回覆刪除
    回覆
    1. jeffrey, 哈, 我打算會寫黎大煒的《猛鬼出籠》. 話時話, 蕭玉龍拍過唔少電影, 不過佢俾觀眾的印象真係好唔深刻.

      麥德羅當然型仔同靚仔好多, 而且佢係舞王呀! 所以阿哥拍多好多戲, 細路拍過幾套就唔見人.

      刪除
  10. 我都打錯係 女學生 唔係學生妹

    回覆刪除