2012年8月12日星期日

黎大煒的恐怖鬼片: 猛鬼出籠 (1983)

Possessed


黎大煒的早期作品, 片種變化萬千, 很多都令人賞心悅目, 不愧為麥當雄的入室弟子. 除了<靚妹仔>外, 翌年推出的鬼片<猛鬼出籠>, 不單恐怖度極高, 而且劇本完整, 絕對沒有為求嚇觀眾而亂堆砌, 所以導演黎大煒和編劇區華漢都應記一功.


麥當雄製作公司自<靚妹仔>的成功後, 接連乘勢出擊, 在1982年近年尾推出三部電影, 包括<殺出愛情街>、<俏皮女學生>和<神探光頭妹>, 頭兩部還可達四百萬元以上的票房, 可惜何宗道和鄭文雅主演的<神探光頭妹>卻遭滑鐵盧, 只得百三萬元左右的成績, 加起來還不及一部<靚妹仔>受歡迎. 在1983年推出的<猛鬼出籠>, 終能挽回頹勢, 收入高於六百二十多萬元, 全年華語電影排名十五.

蕭玉龍(蕭玉龍)和劉兆銘(劉兆銘)為一對警員同袍好友. 一晚, 參加完友人婚禮, 劉兆銘喝得酩酊大醉, 被壞人有機可乘偷去錢包, 蕭玉龍幫手捉拿扒手時, 一輛小汽車極速擦過, 差點撞倒劉兆銘. 劉sir無名火起, 管不得自己酒醉不宜駕駛, 跳上車子窮追不捨, 來到一片荒蕪, 而那追隨的車輛竟在死路中突然消失. 劉兆銘找尋至樹林裏, 竟發現該車子似被撞毀, 車內的燈卻跪異地亮著. 同時間, 蕭玉龍在附近的大屋聽到女聲求救, 立即走進去協助, 只見一名男子拿著刀追著女子, 蕭sir並不能阻止該男子的危險行為.






迷茫的劉兆銘也進入了大屋, 發現異常情況, 又見到持刀男子黃初一, 被扣起來後仍想發颷, 終於連轟數槍, 黃初一樣貌巨變, 最後也不支倒地. 被追斬的女事主, 不但沒有沒下心頭大石, 反而摟著屍悲慟不已. 劉兆銘因無理開槍, 被上司怪責, 只能向他不斷求情. 他心中盤算此事件非常靈異, 便特地去求神保佑.





蕭玉龍佳人有約, 劉兆銘跟隨到韓國餐廳看著好友食「殘廢餐」. 蕭玉龍有韓藉女友(陳池水)在餐廳工作, 韓女溫柔體貼, 劉兆銘羡慕不已, 暗中詢問韓國女人是否在床上有特別本事, 然後也希望為自己找個填房. 蕭玉龍回到家中, 竟見妹妹(溫碧霞)正在脫衣被男友攝影, 無名火起, 把該男生趕出屋外, 妹妹貪玩知道哥哥不悅, 急忙扮溫書平息兄長怒火.






踏出妹妹房間, 蕭玉龍頓感家中有異樣, 放在桌上的物件無故震動, 衣櫃內似另有境界. 他感到極度不妥, 唯有模仿好友拜神自保. 蕭sir收到神秘傳呼, 覆機後卻聽到鬼異聲音, 指有人在灣仔某處跳樓. 蕭劉兩人討論後, 終到該地址一看. 那是一楝被遺棄的舊樓, 渺無人煙, 但兩人卻差點被高空掉下的石油氣罐擊到. 抬頭一望, 天台上有一男子. 兩位警察直奔上天台, 卻驚見該男子的臉容潰爛恐怖, 又想襲擊他們, 便一口氣跑回地下. 這時, 那男子從頂樓一躍而下, 血液飛濺, 肢離破碎, 死狀慘不忍睹.






發生連串怪事的蕭sir, 還要應付反叛的妹妹經常邀請男友回家, 越來越不像樣, 處理後便梳洗讓自己平靜下來. 面對鏡中的自己, 蕭玉龍發現頭髮嚴重脫落, 而且臉皮也可隨意扯下來, 此時此境又怎不能驚呼救命? 妹妹衝進洗手間, 蕭玉龍的外貌又變回原狀. 心中鬱結, 只好找女友來慰藉一番. 蕭玉龍夥拍劉兆銘到跳樓男子劉金水的家中訪問其母, 無意間發現一幅舊照, 有剛死去的初一及金水, 還有他們的好友梁蝦. 他們意識到事件與梁蝦有關, 打算尋找該人調查.





蕭玉龍的女友纏綿過後, 留宿男友家中, 豈料竟遭邪靈強姦, 還被綁在窗前. 被蹂躪後, 女友吐出綠灰色黏液, 非常噁心. 蕭sir回家見狀, 立即將女友送院治理. 妹妹在梯間與男友情不自禁, 看到哥哥趕忙離家, 引誘男友回家鬼混. 蕭之女友在醫院甦醒過來, 提醒蕭玉龍千萬不要讓妹妹回家, 可惜已經太遲. 屋內發生異動, 男友躲在衣櫃內避難, 妹妹卻離奇地被抛上抛落, 最後被吊死在吊扇上. 倖存的男生也被嚇呆, 被送往醫院急救, 話也說不出來.







劉兆銘安排了調查行程, 先到刑事資料檔案室找紅姐, 起出案件中的死者和梁蝦的底細. 原來當年初一、金水和梁蝦共同加入黑社會, 成為結拜兄弟. 其後他們牽涉入一宗盜竊兇殺案, 梁蝦被判死刑, 而初一和金水則只是幾年的有期徒刑. 該宗案件則由當年外號「黑狐妖」的警長跟進, 而他正是蕭玉龍的父親. 後來他們探訪法師盲陳(黃一飛), 盲陳算出這一連串的災劫乃蕭玉龍的先人種下的罪孽, 報在後代身上. 盲陳並估計, 蕭玉龍不能渡過即將的生日, 而劉兆銘也因太多事將自己牽連入內, 也會命不久矣. 為破災擋劫, 盲陳應承找來比他法力更高的師姐三姑幫手. 蕭sir也需要將老父從精神病院接出來, 參予這場法事.

>



這場法事的目的, 先要了解蕭父有關的恩怨始末, 三姑才能出頭消災解難. 法事進行時, 本來呆若木雞的蕭父突然清醒地道出當年, 初一、金水和梁蝦謀財害命, 他以探長身份緝拿兇徒, 但初一和金水付了十萬元給蕭父, 令梁蝦招認及承受大部份罪名, 判處死刑, 而另外兩名同黨則判刑較輕. 梁蝦在被吊前, 口中諗諗有詞, 要蕭父絕子絕孫, 誓要報下血海深仇. 三姑得悉真相後, 提議蕭玉龍早點回去辦好身後事, 又責怪盲陳愚蠢地將自己捲入這個漩渦, 但仍應承盡人事, 請來四面佛背水一戰.





劉兆銘負責駕駛, 將蕭父送回醫院安頓. 經過屯門公路時, 劉突然被上身, 面容扭曲, 並襲擊蕭玉龍, 車子最終失控撞向公路盛載鋼筋的大貨車. 鋼筋插進車子裏, 劉兆銘和蕭父腸穿肚爛當場不治, 而蕭玉龍則僥倖生存. 法事在即, 蕭玉龍與女友話別, 並應承翌日早上必會安全回歸.





蕭玉龍回到舊居, 未見三姑及盲陳, 竟先見到已死去妹妹的幻象, 嚇了他一跳. 三姑提醒他看到親人的幻覺很正常, 最緊要心裏有四面佛, 便必能受到保護. 她並說若在破地獄的儀式中, 九塊瓦片破裂, 便代表冤魂接受; 若不成功, 便會唸咒使它現形, 而蕭必需揭開蓋著四面佛的法衣來保命. 可是鬼魂太猛, 法事剛開始不久, 眾人便開始受襲, 蕭玉龍被祭鬼魂的烏雞飛襲纏繞.





其後, 三姑的兩名入室弟子相繼在毒蛇和滾油下喪命. 整個樓房地動天搖, 天花板開了一個大洞, 鬼手伸出來要帶走蕭玉龍, 幸得三姑和盲陳拉著他解圍. 好景不常, 盲陳被一股妖力擊倒, 凸眼而死. 三姑諗咒將梁蝦的鬼魂現形, 並要蕭玉龍將四面佛的法衣掀起. 這動作卻極有難度, 蕭接近黃布時卻被異能扯走.







鬼魂看似無人能阻止, 連唯一能幫蕭的三姑也被它刺穿肚皮, 並跌落在鋒利的刀刃上. 蕭玉龍被繩索勒住, 唯有像泰山般邊搖蕩邊亂踢, 把蠟燭踢倒燒起黃布法衣, 在差點窒息前被四面佛顯靈救駕. 梁蝦的鬼魂就如一團火球衝過窗口墮樓. 雖然蕭玉龍的親人、好友和幫助他的人全部死光, 但總算保住性命, 還有留在家中的女友在等他. 事情看似完結, 蕭玉龍放下心頭大石, 與女友相擁熱吻, 誰知女友像是被鬼魂附身, 樣貌變得蒼老潰爛, 蕭玉龍大驚, 原來梁蝦誓要跟隨著他...







看罷<猛鬼出籠>, 不其然令我聯想起桂治洪充滿顏色血漿的恐怖降頭片, 電影都是有寓意, 教我們要做個好人, 否則做壞事必有報應. 這個故事不但當事人遭到惡報, 也連累了後代和周邊的人, 影響深遠. 雖然受害者只得一人, 但仇恨卻牽連甚廣, 甚為誇張, 卻更加強化了想表達的訊息.

<猛鬼出籠>的劇情有不少鏡頭是拜神、問卜和做法事之類的, 都是傳統東方世界的迷信. 但整體感覺卻不甚地道, 處處有「參考」西片的影子, 那些被鬼強姦和鏡前扯甩臉皮等橋段, 都仿彿在外國的舊恐怖片看過, 只是又說不出是那套西片, 或時間性是誰先誰後. 執導時只有三十歳的黎大煒, 能拍出這些東西, 必然是創意極前衛, 又或是看得太多西片不自覺被影響.

整部戲的後尾三十分鐘最為精彩, 意念和招數層出不窮, 毫無冷場, 也是我覺得作為一部觀能刺激的電影, 最能懾人和令人留下深刻印象, 必要取決於結尾. 在這方面<猛鬼出籠>就絕對做得很好. 而整體而言, <猛鬼出籠>也是比它的續集<艷鬼發狂>製作更認真, 可觀度更高. 有機會再介紹續集.

20 則留言:

  1. 劉兆銘竟然如此後生樣:)

    那時候美國的喪屍片也很流行,不過我無入戲院看過

    回覆刪除
    回覆
    1. 卡臣, 我地都好細個就睇Ming sir...你話佢個樣後生, 其實當年佢已經52歳了!!!

      以前年紀太小無睇喪屍片, 但睇明珠台的《凶兆》和 《驅魔人》都好鬼驚...

      刪除
    2. 呢張相先夠後生哩!
      http://tupian.hudong.com/a1_73_42_01300000326560125914425396908_jpg.html?prd=zhengwenye_left_neirong_tupian

      刪除
    3. 蝸牛, 其實我覺得劉兆銘的樣貌已經比他的年歳年輕得多, 可能佢係個舞者, 運動得多自然能夠保持青春, 所以大家都要多運動, 哈哈!

      刪除
  2. 睇番黎大煒雖然唔係拍過好多戲,但係拍片種涉獵甚廣
    可以拍社會現象,鬼片,無厘頭(超時空要愛),打片,愛情片
    總可以拍埋三級添,哈哈

    講番套戲,開頭一part,係屋到追斬,再鎖住個犯變樣發癲,呢到已經 先聲奪人

    第二part,話去灣仔舊政府合署有人跳樓,上到見到個人拎轉頭爛面樣,恐怖感已經加劇

    中段,自己幻覺, 女友細妹出事,已經鋪排緊一段段越來越沉,會突襲性驚嚇

    尾後,發現佢老豆肇事關鍵人物開始,故事直落到尾聲那令段你冇得透氣

    切合左最基本起承轉合


    所以我認同30something你講,劇本完正
    我還覺得視覺,故事一流,恐怖感十足
    細過睇帶,又要驚又要睇,比最尾個鏡頭仲要嚇多一下

    另你話有冇偷橋,參考西片,我亦都冇睇同期或早期d恐怖西片,冇得比較


    想問下各位,那段灣仔舊政府合署,戲中左所講地址係唔係真那棟樓?

    溫碧霞男友同佢影相,佢部 哈蘇 當其時買幾錢,係唔係有錢人先玩得起?



    回覆刪除
    回覆
    1. jeffrey, 黎大煒可算是駕馭到好多片種, 但我看過他最慘不忍睹的算是蔡楓華主演的《鬼馬朱唇》, 唔知算佢係愛情片還是笑片, 只係覺得好難看.

      最尾個鏡頭, 係好驚嚇, 見到蕭玉龍同個爛面女kiss得好深情...不過呢類ending, 八十年代的恐怖片好流行, 《蜈蚣咒》都係差不多.

      古董相機無研究...Hasselblad係咪幾十年前已經係貴嘢?

      刪除
  3. 戲內既鬼姦人, 當年的確是大膽, 還要口爆, 勁. 不過樂貿出的剪了蕭玉龍和陳池水既床戲, 唔知日版有無剪.

    回覆刪除
    回覆
    1. 哦? 原來蕭玉龍和陳池水有床戲? 我見佢地摟下錫下就無咗下文, 原來剪走咗.

      刪除
  4. 兒時惡夢 呢集劇本好 第2集就主角好 本身王小鳳同美寶已經夠似鬼

    回覆刪除
    回覆
    1. nic, 兒時惡夢? 你地就好, 細細個就可以睇鬼片. 我要到長大成人先可以睇番呢類達三級程度的舊港產片.

      刪除
  5. 幾年前第一次睇呢套戲,都覺得好恐怖
    鬼姦人果幕仲睇到我好不安 (我都好佩服個女演員可以做得咁逼真!)

    回覆刪除
    回覆
    1. 熊, 你好, 多謝你的留言. 被鬼強姦的女星係陳池水, 只係拍過《猛鬼出籠》一部電影, 完全無資料. 其實佢好有潛質, 繼續拍呢類有鹽花的鬼片...

      刪除
  6. 當日係cable看的是cut版,但都已經覺得好恐怖。估唔到可以出番音畫不俗既dvd...真係好開心架!喜歡《猛鬼出籠》係佢呢劇情夠壓迫感、有駭人的血腥場面而沒無謂的嬉鬧,氣氛夠统一。最後的鬥法多變,又道士、又飛雞、又怪手、又四面佛,大爆炸後原來仲有最後一嚇。堅係正啦!

    回覆刪除
    回覆
    1. dts6.1, 你提出了有趣又很合理的觀點. 鬼片通常會附加兩種元素, 一係鹽花, 二係搞笑. 好多時加入搞笑情節用來作電影的緩衝段落, 可令觀眾輕鬆一下, 但我都覺得格格不入, 會令整體唔夠統一; 反為鹽花沒有了就總是欠缺了一點東西.《猛鬼出籠》有鹽花無搞笑, 真係成個格調好啱feel.

      刪除
  7. 呢類80年代鬼片 我覺得要好似vhs既畫面質素 先夠恐怖 太清反而失真 haha

    回覆刪除
    回覆
    1. 其實不單是鬼片, 好多電影太清都令我有失真的感覺, 可能我仲停留喺睇舊電影的VHS和VCD...不過呢D低畫質影像, 有時連人樣都睇唔清楚, 又好似太過份

      刪除
  8. 其實猛鬼出籠 同 艷鬼發狂, 兩者元素都幾似, 一樣有跳樓, 爆炸, 扯爛面 等場面, 講劇本 猛片 就好少少, 但我自己鐘意 艷片多D, 女鬼變'狼'人 又有印度教, 冰火油炸鬼等, 不過當年 猛片 黃一飛 同 陳鳳冰做茅山師傅就難得一見
    (唔知點解上段 用引號有幾個字POST唔到, 所以再POST)

    回覆刪除
    回覆
    1. Calvin, 哦...原來師姐陳鳳冰就係最近逝世的星級大妗姐! 《艷鬼發狂》下次再寫 :)

      刪除
  9. 睇鬼片,麥當雄出品都係可以感覺恐佈, 好正

    回覆刪除
  10. Benjamin Graham, 麥當雄出品的電影多數都有質素保證,佢係我其中一個非常尊敬的製作人。唔單止鬼片,警匪、歡場、奇案和色情片都拍得好,佢製作電影(同電視)都好認真!

    回覆刪除