自從1975年, 麥當勞第一間分店在銅鑼灣百德新街開幕, 香港人便離不開這個品牌的食物和玩具/紀念品. 全球有麥當勞指數, 來比較各地的物價. 甚至在香港, 麥當勞的套餐加價和員工的工資, 都被認為與民生息息相關.
奇怪的是, 麥當勞在香港的歷史, 在網上竟然不多. 與早期麥當勞有關而又在網上流傳的, 大都只是懷舊玩具在拍賣網的足蹟. 上星期Milk附送了一本麥記香港35周年的特刊, 有不少罕有圖片, 十分精彩.
話說全港第一間麥當勞, 在現址恒隆中心大約匯豐的位址, 我是有印象的. 當時門外還是馬路, 而現在則已改成行人專用區. 而當時的麥記燈箱和店內的佈置, 並非像現在的鮮紅色, 而是近乎啡色的. 看下面的圖, 門口有"Open Daily 7:30am-9:00pm"的開放時間, 原來當年咁早關門, 現今很多店是24小時的day & night.
以下的, 是香港開埠以來第一位麥記顧客, 現在佢都應該大我少許...
當年的麥記職員是這樣的. 薯條都係賣$1.8包, 一個Big Mac都係三個幾, 其實而家都唔算好貴, 35年升了四倍左右, 人工樓價升了十倍都唔止啦!
最記得以前行過銅鑼灣店址, 最鐘意睇吓呢個牌:
呢幅圖好得意, 1976年第一間九龍區的麥記開業, 位於油麻地恒盛, 是全港的第四間分店. 由港島運個Big Mac過海, 就係標置著九龍都有得食喇!
1977年, 來港兩年, 麥記已經賣出過百萬個漢堡飽, 而在1984年時亦有深入民心的巨無霸急口令比賽:
雙層牛肉巨無霸 , 醬汁洋葱夾青瓜 .
芝士生菜加芝蔴 , 人人食過笑哈哈
沒有留言:
發佈留言