2012年12月2日星期日

魯振順是...天皇巨星 (1983) ?!

Superstar


魯振順, 是香港電視圈的甘草演員, 現在仍活躍於TVB劇集及走埠登台, 有固定曝光率. 他的形象及演技, 代表了此彈丸之地的娛樂圈另類的一群, camp味極重, 演技浮誇, 但卻看得出是敬業樂業, 默默耕耘, 多年來觀眾對他反應各走極端, 有人喜愛欣賞, 有人討厭取笑, 改其花名為「滷水蛋」、「腦震盪」.


曾為演員的趙美寶, 在八十年代初投身電影投資人行列, 開拍電影<天皇巨星>. 當時趙美寶也是經理人, 魯振順是她旗下藝人, 順理成章牽引他成為男主角, 並簽約唱片公司, 為電影歌曲推出同名大碟. 當時魯振順已在無線接拍電視劇, 此舉令他為歌影視三棲藝人.

<天皇巨星>講述酒廊歌手姜志寧阿旦(魯振順)搖身成為歌壇巨星的故事. 當時在流行樂界, 蔣偉文(嘉倫)和葉慧儀(邵音音)為炙手可熱的歌星, 二人經常接受訪問、合作舉行演唱會, 大受歌迷歡迎. 偉文眾所周知, 生性風流, 有不少緋聞傳出; 慧儀則為有夫之婦, 並有一繼子, 可惜與醫生丈夫感情漸淡. 偉文和慧儀合作無間, 漸漸發生感情. 一次在後台情不自禁互相擁吻, 卻被慧儀的丈夫和繼子闖進, 二人無癮地扮作無事.






偉文追求不少女人, 更惹怒黑幫人士尋仇, 對他拳打腳踢教訓一番. 幸得經理人媚姐(趙美寶)及時趕至, 化險為夷. 阿旦在夜店唱歌, 不時會受客人無理指罵玩弄, 同在酒廊駐場的女友Joanna(夏淑玲)都會盡力為他擋駕. 這晚, 二人下班後往宵夜, 碰巧媚姐為蔣偉文和被惹怒的黑幫大佬擺和頭酒. 目中無人的偉文見到甜美的Joanna, 不理她身旁有男伴, 主動追求, 並聲稱阿旦的結他為平價貨, 隨手將它砸爛. 媚姐見狀立即道歉, 但阿旦怒氣沖沖, 只深感被侮辱.






阿旦回到家中, 怒氣未消, 媽媽(蘇杏璇)以湯水為他降火. 當旦媽提起參加唱歌比賽, 會對他的事業有幫助, 阿旦並未接受, 更無端說要放棄唱歌, 旦媽只好安慰他不要讓小小挫折而影響自己. 阿旦如常到唱歌老師(陳立品)上課, 竟碰上蔣偉文和媚姐. 偉文再次出口揶揄, 老師卻要阿旦在偉文面前獻唱一曲, 好讓得到巨星的指點. 媚姐聽過阿旦的歌聲, 讚不絕口, 偉文卻不以為然. 偉文再次無病呻吟, 自己歌唱得好卻苦無機會, 羡慕女友獲得的演唱機會, 差點又想放棄, Joanna給他鼓勵才能繼續唱歌.






慧儀工作完畢回家洗澡, 有戀母情意結的繼子在門外偷聽. 回到睡房, 面對感情冷淡的丈夫, 慧儀終於提出分手. 另一方面, 蔣偉文和媚姐雖是工作夥伴, 而並非情侶, 卻一起同居和發生關係. 當偉文和媚姐上床時, 味如嚼蠟, 一點也不享受. 偉文到阿旦演唱的酒吧消遺, 妒忌他有不少女粉絲, 竟派人教訓他一番, 以電單車追逐阿旦. 阿旦被受玩弄後, 還因打架而被酒廊老闆開除, 大受打激. 幸好Joanna帶來好消息, 有唱片公司願意栽培他為他灌錄唱片, 使他意志沒被打沉.






阿旦灌錄歌曲時, 信心十足, 監製也對他的歌喉極為讚賞. 唱片推出巿面後, 大受歡迎, 口碑不絕. 他接受電台訪問時, 非常謙卑, 自言要更加努力博取更多支持. 媚姐對這冒起的新人也很看好, 唯偉文卻對阿旦的受歡迎程度十分介意, 甜言巧語希望媚姐幫他對抗這股新勢力的威脅.






阿旦的歌迷數目不斷上升, Joanna和媽媽都說要為他成立歌迷會, 阿旦則半信半疑. 慧儀離婚後搬出來獨居, 繼子間中會到她家探望. 她要往外地登台, 都由偉文前往送她到機場, 繼子跟隨但慧儀感到尷尬, 希望記者不要拍到繼子, 畢竟與前夫的關係已了斷.






在機場送機後, 偉文巧遇半紅不黑歌星咪咪, 立刻引誘她回家短聚. 咪咪親熱前要洗澡, 偉文耐心等候. 這時本應在外地公幹的媚姐突然返家, 並發現家裏有女人在浴室, 即時火氣沖天, 大吵大鬧, 稍後與咪咪大打出手, 最後被打傷鼻樑.





偉文被撞破好事, 心情低落, 到酒吧解悶. 他始終死性不改, 看見Joanna便情聖上身, 但阿旦及時制止. 偉文還不顧自己紅歌星的身分, 以酒樽要脅Joanna. 清醒的阿旦最後以武解決酒醉的偉文, 將他打暈還放下醫藥費才離開. 偉文向媚姐道歉, 給他最後一個機會, 以後不會再到處留情. 言猶在耳, 偉文又找慧儀春宵一夜. 繼子知道偉文的風流情史, 為保護慧儀, 更以刀襲擊偉文. 偉文奮力抵抗, 終於兩敗俱傷, 共同浴血在慧儀家中.







阿旦的歌迷會正式成立, Joanna和旦媽都出席首次聚會. 他多謝歌迷的支持外, 還感激母親養育之恩, 一時間不知從何說起, 所以藉一首歌來表達他的情懷, 歌迷都聽得感動落淚. 媚姐前往醫院探望在休養的偉文, 並帶來極壞消息, 原本電視台台慶與慧儀搭檔的表演, 被換成死敵阿旦, 偉文聽後有如晴天霹靂.






阿旦在練習壁球時突遭三名大漢以長刀襲擊, 非常兇狠, 幸而他能逃過大難. 慧儀探望偉文, 被他怪責為何要被利用捧阿旦上位, 慧儀只表示只是藝人, 很多事無法控制. 她離開醫院時, 突然遭人淋腐蝕性液體, 當場被毀容. 偉文出院後, 在街上碰上咪咪, 當時她已有男友, 面對偉文示好, 卻毫不留情面奚落他, 使他自信心盡失, 並令他日夜只顧喝酒. 媚姐見狀, 瀕臨將他放棄的邊緣.






偉文在酒吧夜蒲, 仿彿看到被容顏盡破的慧儀. 定神後, 原來是兩位美女輪流搭訕. 偉文把持不住, 遂帶兩位女士繼續下場, 卻被一班流氓毆打一番, 原來是媚姐對偉文的教訓. 偉文再度哀求媚姐原諒, 但媚姐對男人的要求, 一是可以為她賺錢, 二是可以與她上床, 既然偉文不能達至她的要求, 也沒可能再給予他機會了. 媚姐其後主動接觸阿旦, 要成為他的經理人, 可讓他達成開個人演唱會的心願, 令阿旦最終答應.





演唱會當日, 酒醉的偉文來臨, 阿旦不但沒把他趕走, 還叫人安排坐位給他, 好讓他目睹當日他看不起的人, 終能在舞台上大展光芒. 阿旦在台上顯盡所能, 大唱流行金曲, 歌迷們拍案叫絕之餘, 也湧到台前與他握手. 這時, 偉文混入歌迷中, 乘機躍上舞台, 與阿旦大打出手. 偉文還將阿旦推到舞台上的佈景火圈, 使他全身著火, 痛苦地在地上滾動. 偉文看著在台上傻笑, 台下的旦媽和Joanna嚇傻了眼, 在後台的媚姐也呆了...







<天皇巨星>的導演為范秀明, 只拍過幾部電影, 如艾迪主演的<野郎幫>、<1哥><再起風雲>. 編劇楊基的故事和對白極為一般, 間中有「硬膠味」. 故事主角突然冒起的過程令人摸不著頭腦, 他經常遇了小挫折便想放棄的性格, 卻突如坐火箭般成為歌壇巨星極不合理. 而且, 電影雖名為<天皇巨星>, 理應描寫魯振順的角色如何爬到頂峰, 但劇情卻集中在嘉倫如何風流以至巨星沉落, 好像他才是主角. 二人的角色都小器記仇, 情緒把持不住, 完全沒有天皇巨星的風範.

這部電影在1983年上映了三天, 票房只得十三萬, 成為該年華語電影最低的票房紀錄. 自始以後, 魯振順鮮有擔任男主角的機會, 電影至九十年代前也沒有演出, 不久還跳槽亞視, 直至1995年才返回TVB演出<真情>, 一直效力至今. 他在歌壇發展也歷盡滄桑, 推出大碟時碰巧唱片公司倒閉, 缺乏宣傳, 魯振順直言銷量只有二百多隻. 之後他沒再推出個人專輯, 但就經常登台及在電視節目中唱歌, 最為人津津樂道必定是早幾年在<歡樂滿東華>的「卡拉之星」環節裏, 出錢獻唱羅文的<全為愛>, 誇張爆笑得令人難以忘懷, 表演者也樂在其中.

話說<天皇巨星>全沒有在香港發行影碟, 可能有出過VHS, 不過也失傳已久. 剛巧弄到手的是台灣VHS版本, 雖然畫面跳動得厲害, 質素欠佳, 但銷量奇少的<天皇巨星>大碟已有有心人上載到youtube, 這部<天皇巨星>電影也值得在互聯網上有個記錄.

18 則留言:

  1. 魯振順都叫做做過男主角,唔錯啦

    邵音音又幾鬼正喎

    回覆刪除
    回覆
    1. 邵音音係一代艷星喎. 不過《天皇巨星》其中一個可觀之處, 就係拍得音音姐好靚.

      刪除
  2. 魯振順在亞視也有做過男主角

    回覆刪除
    回覆
    1. 蝸牛兄, 魯振順在亞視, 還有台灣台視的劇集都做過主角, 但都無甚impact...其實有些演員才藝俱備, 但就並非做主角的材料, 反而做配角發揮同影響仲大, 魯振順就係其中之一.

      刪除
  3. 認識魯振順已經係佢係亞視時期, 不過講真佢演技跟歌藝都唔係突出,都埋永遠有D CAMP CAMP地感覺, 最記得家人話佢唱歌時個嘴動作唔大的~
    P.S. 當年邵音音真係幾靚幾有氣質

    回覆刪除
    回覆
    1. Calvin, 咁魯振順做戲同唱歌都唔算差, 好過好多歌星同藝員. 不過佢陣Camp味唔係個個接受得到...呢個係佢個人風格, 今期無人有佢嗰種特質, 我見佢做太監或小人角色都做得好傳神.

      刪除
  4. 我就覺得魯振順扮乜似乜啦!

    回覆刪除
    回覆
    1. 我記得魯振順扮過張國榮, 羅文, 洪潮豐比較有camp味的, 咁佢都係發揮自己本色. 又想唔起佢扮過其他邊個藝人歌手...

      刪除
  5. 呢套咁偏門都有 好野! 之前睇過一段訪問魯生 佢自己話 因為呢套戲戲名 俾人笑左佢好耐

    回覆刪除
    回覆
    1. nic, 《天皇巨星》個名由魯生背負未免太重了, 佢當時仲係新人. 好似睇過佢經理人趙美寶, 其實係佢親戚, 想捧佢就一定, 不過搵佢拍《天皇巨星》, 個名又大, 套戲又唔算好睇, 玩咗佢一鑊就真.

      刪除
    2. 琴晚睇大太監 一開始就見到魯生俾人仗打 七情上面 扮得好似

      刪除
    3. 我無睇《大太監》,不過我估呢類戲難唔到魯振順。七情上面這些較誇張的要求對佢易如反掌,反而我好似無乜見過佢演內心戲。

      刪除
  6. 禾對魯振順最大印象,係當年溝哪吒不遂自殺,而家見到方國珊,都會諗起魯振順。話時話,梁國雄選立法會,選票上印住(長毛),方國珊印個(哪吒),都幾搞笑...

    回覆刪除
    回覆
    1. 順叔,多謝你提醒。魯生無端感觸割脈自殺,都係佢入行以來最大新聞!佢同方國珊主演《哪吒》,自此結緣。估唔到佢咁激,痴戀「哪吒」到要死咁嚴重!方國珊挾住哪吒之名,又聽聞區議會做得不錯,以為立法會都有機會,點知都係落選。

      刪除
  7. 30 something兄

    我一連幾日追看你既blog,搵返唔少童年回憶
    希望你繼續努力

    本人都係30 something

    回覆刪除
    回覆
    1. Jack, 多謝你的支持同留言先! 若你都係三十過外, 相信都必定會懷念以前的事物, 尋求童年看過的電影和聽過的歌曲. 好多網友小時候看鬼片被嚇親, 大個咗之後都想搵返來睇...不過可能現在再睇又是另一回事了.

      刪除
  8. 其實你所講既咁多套戲,我有好多都無睇,有D更加未聽過呀~
    可能我係七十年代最尾個兩年先出世卦 :)

    只係記得細過有睇過黑太陽731,當時睇以為套戲入面所有野都係真既
    到左而家一路都唔敢睇返~~

    我而家都好懷念小時候住屋邨既情況,同埋所有80年代既電影同歌
    而家呢一代既電影同歌真係無得比!

    可能真係年紀大啦,開始想當年~~

    回覆刪除
  9. 有人记得他演了妙戈嗎?

    回覆刪除