2013年8月5日星期一

一脫求生 (1984)

Dressed Off For Life


今次記錄的<一脫求生>是導演李榮章在1984年的作品, 而且與童路合編劇本. 此片故事偏鋒並非大片格局, 但就有受歡迎的演員參演. 陳惠敏一向演出雄赳赳的陽剛角色, 在<一脫求生>卻有破格的嘗試, 經歷男人之苦, 飾演性無能的變態佬; 米雪自出道以來拍過不少佳視和麗的/亞視的古裝劇, 人氣旺盛, 在香港及海外皆知名度高企, 形象正面, 今次她要演的卻是一脫求生的舞小姐.


陳坤(陳惠敏)是職業拳手, 在擂台上戰無不勝, 受拳迷擁戴, 萬人景仰. 誰知一次戰敗後, 受躉抛棄唾罵, 自信心盡失, 也變成性無能, 並與妻子離婚. 陳坤對自己不能人道一直耿耿於懷, 心理上經常被此事煩擾. 一晚乘小巴回家時, 巧遇一名身材不俗的女子, 陳坤動了色心, 遂在女采歸家途中強行將她拖到暗處施暴. 少女被陳坤強吻愛撫, 由掙扎變為半推半就, 但陳坤因生理障礙無法行事, 被少女揶揄一番. 陳坤不甘受辱, 將她刺死. 警方接報有命案, 派出麥sir(劉江)及華仔(汪禹)著手調查, 原來這已是最近的第三宗同類案件, 警方懷疑是同一案犯的所為.





陳坤前妻看到報新聞報導命案, 拿著報紙質問前夫, 並勸導他看心理醫生, 卻換來嚴厲的警告, 並拒絕自首. 前妻勸喻無效, 只能直接向警方提供線索, 追緝表面證供合理的疑兇陳坤. 麥sir與華仔到陳坤家中, 卻被他早一步逃脫, 並以一個木偶愚弄一番. 回到警署, 一名少女號稱曾遭陳坤襲擊但慶幸脫險, 並答應警方的要求, 與男友做餌引誘陳坤現身. 行動期間, 陳坤真的出現刺傷另一名少女, 麥sir於是狂追不捨, 卻不幸在酒樓內被陳坤搶了警槍射殺.






阿萍(米雪)是酒樓內的食客, 剛從洗手間出來, 看到命案. 突然陳坤出現, 以手槍指嚇阿萍, 害她立即閃回廁所內. 華仔趕到現場, 麥sir氣數已盡, 斷氣前只要求華仔尋回失槍. 阿萍竟在自己的手袋內發現一把手槍, 忐忑地回任舞小姐的夜總會上班, 但陳坤乘機鑽進休息室並搶回槍械, 又反鎖恐嚇阿萍, 直至其他小姐拍門才把他嚇走. 其後警方找阿萍合作, 欲把悍匪引誘出來, 竟在報紙報報導成阿萍主動聯絡警方. 於是陳坤又到夜總會騷擾, 釀成另一宗血案. 華仔追捕陳坤至一貨倉, 兩人單打獨鬥, 華仔經常處於下風, 還被迫鎖上手扣吊起來, 而陳坤則仍持著警槍消遙法外.






阿萍僥倖逃過一劫, 但對警方的處事手法極度不滿, 為了破案犠牲她的安危. 華仔派手下貼身保護阿萍, 但那些警員卻輕易被陳坤制服. 陳坤偷窺陳萍更衣, 看得慾火焚身, 本想把阿萍殺人滅口, 現卻要一親香澤. 無奈地阿萍迫於就範, 但在緊急關頭訛稱要先服避孕藥, 乘機甩身. 華仔得悉同袍遇襲, 阿萍又差點失身, 便派更多手下對她作更貼身保護. 惟阿萍寧願靠自己, 便聯同好姐妹出計, 引開警員的注意力, 讓阿萍離開住所, 逃到郊外的娘家暫避.







阿萍回到娘家, 找著久別了的兒子B仔會面, 可惜陳坤神通廣大, 再次出現在阿萍面前, 不讓她有一刻心安下來. 阿萍的擔心並非杯弓蛇影, 翌晨B仔無故消失, 一張陳坤留下的字條要阿萍獨自前往他的藏身地, 才能保住B仔性命. 她動身前將事件及地址告知姐妹施施, 若兩天後仍無她的消息便報警. 經過短時間的相處, B仔竟然與陳坤投契, 事事認同這個壞蛋叔叔. 陳坤想再續上次未完的床事, 阿萍再次被迫一脫求生. 正當陳坤沉醉在溫柔鄉之際, 阿萍極力嘗試將警槍取到手, 卻失敗觸怒陳坤. 他早知道阿萍好友施施遲早會代為報警, 便打算先下手為強, 要除去施施這絆腳石.








陳坤把施施重擊, 但華仔帶隊趕至, 仍能從施施口中得知匪徒和被脅持者的位置. 華仔帶同大批警員包括特警隊到場戒備, 阿萍被綁起來, 陳坤則抱起B仔在窗前徘徊, 提醒警員他有人質在手. 阿萍自行鬆綁, 揮手示意特警從窗口進內, 可恨被陳坤發現, 警員終被射殺. 陳坤對阿萍的舉動極氣憤, 對她拳打腳踢, 連B仔都醒覺這個叔叔不是好人.







華仔伺機單人匹馬衝入單位之內, 但無奈陳坤也在持械. 華仔暗地抽出埋藏在襪頭裏的手槍, 也被發現而被射傷腿部. 阿萍和B仔趁陳坤對付華仔時逃走, 陳坤無意識地開槍, 阿萍倒臥血泊中, B仔含淚大喊媽媽. 機靈的B仔拾起地上的棄槍, 對準陳坤的心口射去...






<一脫求生>的賣點自然是VCD封面上那一句「米雪最大膽演出 為藝術犠牲」. 在此電影裏, 有兩幕米雪飾演的角色有露兩點的鏡點, 這當然是當年的慣用技倆, 以替身拍攝不露面的裸露鏡頭, 再剪接入戲內扮作是主角的戲份. 今天的米雪, 早前憑TVB電視劇<溏心風暴之家好月圓>囊括本地及亞洲視后獎項, 被問及廿多年前的這部<一脫求生>, 米雪大方表明接拍該片已盡了演員的職責, 至於後期被移花接木已不能控制, 而且也有其他幾部她拍攝過的電影有用上這招數.

這部電影演員和枝節相對少, 但故事簡單直接, 易於掌握, 但大部份時間未見特別吸引. 其實<一脫求生>的開始頗為精彩, 題材新穎, 但故事發展漸趨平淡, 過多篇幅流於警匪追逐, 結局的B仔了結殺母仇人, 則回復驚喜和意料不到. 有份創作劇本的童路, 在編導禁片<越戰僅存者>時, 也用上了小孩的出人意表劇情來埋尾, 似乎他對兒童在劇本埋尾的作用有所偏愛.

24 則留言:

  1. 我有聽過此片,今天終於知道什麼是「一脫求生」了。

    米雪無乜點變,惠敏哥就變了阿叔

    回覆刪除
    回覆
    1. 兩年前睇<打擂台>見到陳惠敏, 都算精神, 我都仲會叫佢做阿叔, 未係阿伯. 米雪無變, 可能食咗XX堂保健食品啩.

      刪除
  2. 等到頸長終於有你的新影評

    回覆刪除
    回覆
    1. Brien, 多謝你的支持. 以後個blog未必會定期更新, 不過我都想keep住寫...

      刪除
  3. 70's 年代很多女主角裸露鏡頭係由替身代替。前陣子終於花了$300買入二手<猛鬼山墳>VCD! 伊雷,李菁當主角那套;當然,李菁之裸露鏡頭亦由替身出演。講起絶版VCD, <七小福>己叫價$1500!

    回覆刪除
    回覆
    1. <猛鬼山墳>VCD你買到 $300已經算平, 貴好多的價我都見過. <七小福>叫價$1500? 好離譜喎.

      刪除
    2. 剛入左隻<阿燦有難>講大陸偷渡香港故事,米雪又有裸露、亦由替身擔當,看來此安排一直由七十年代至八十年代初電影裡。

      刪除
    3. <阿燦有難>又係<一脫求生>的李榮章做導演. 睇來李導演都好鬼鐘意玩米雪, 米雪上過一次檔, 都繼續願意落搭...

      刪除
  4. 琴晚睇《舞廳》,陳惠敏身肌肉唔系講笑

    回覆刪除
    回覆
    1. 《舞廳》簡直係陳惠敏的個人表演之作. 中間有一段講佢著住條肉色底褲起身, 跟住練肌肉...淨係呢場戲已經唔係咁多演員做得到

      刪除
  5. 很喜歡看你寫的東西.

    回覆刪除
    回覆
    1. 十分多謝你. 雖然我開啓了匿名留言, 不過都希望大家留個名, 大家交流時都可以有個稱呼.

      刪除
    2. 你好,叫我藍天,因為我無帳戶所以用匿名.

      刪除
    3. 藍天?莫非是我認識那位......

      以前的明星裸露鏡頭總是找替身代勞,每次見到都有受騙感覺。
      還是李翰祥的豔情片好,如假包換無花假........

      刪除
    4. 藍天, 你好. 匿名都有個位寫名的 :)
      你是很久之前留過言的? 起碼兩年前?

      kes, 李翰祥找到的是打正旗號賣性感的風月片艷星...米雪就純情玉女, 好難搵到此等女明星肯露呀, 唯有呃下觀眾, 其實都幾無道德

      刪除
  6. 其實未必㗎,李翰祥的愛將胡錦同恬妮都係用替身㗎

    回覆刪除
    回覆
    1. 又係喎。呢兩位都係守身如玉,尤其係恬妮,好似後期的邱淑貞,從來無露過,但又可穩坐性感女星的寶座。

      刪除
  7. 大約半年前無意中發現呢個blog,之前沒有留言過,估吾到可以透過網路同鐘意同類電影既人交流到.30 Something 寫的東西好詳盡又到位,每次都好期待!

    回覆刪除
    回覆
    1. 藍天,多謝你過獎先。有好多冷門絕版戲,寫詳盡點係因為相信會有人上網找資料,不過我都怕寫得太長。我而家想精簡少少。

      刪除
  8. 我亦好鐘意30 Something 大佬寫嘅嘢 (我諗我其實應該比你大),希望以後有更多影評文章,唔好遺棄我哋一班忠實fans。

    咁啱上面有位人兄講開李��祥,有機會可唔可以介紹一些邵氏嘅風月或艷情片呢?例如李��祥或呂奇嘅電影。記得自己細個嗰陣已經對呢啲電影非常好奇 ,因為呢啲電影嘅海報好露骨,再加上小弟可能比較早熟(或者應該叫咸濕),當年想入戲院睇,戲院唔會賣飛比我。要阿爸阿媽帶去睇,更加冇可能。而家都一直有啲念念不忘。

    最後小弟自我介紹,我叫JC。有留過一兩次言,但係都用英文。最近買咗部iPad,终於可以用中文手寫留言。中文留言始终親切好多。

    回覆刪除
    回覆
    1. JC, 你好! 唔好話遺棄咁嚴重, 大家都係搵個地方在網上交流啫.

      我都曾經想寫邵氏風月片, 不過我睇得唔夠多, 要做多D資料搜集先可以. 當中我對李翰祥某幾部有多點印象, 第一部係睇《騙財騙色》, 都幾震撼, 尤其其中一幕岳華同余莎莉的床戲. 我估唔到岳華呢類大明星都會咁搏, 可能真係李翰祥的魅力. 呂奇的電影就沉重點, 成日拉埋社會問題來講, 同我想像的風月片主要描寫男女色慾關係有段距離.

      刪除
  9. 我細個嘅時候睇了一部電影,我記得有個男人用絲襪殺人...佢想用絲襪殺一個小朋友,但後來都無殺到,我唔知這是甚麼電影,我一直都想搵番,唔知30 Something 你知不知道我在說哪部電影.知道的話煩請告知,謝謝!

    回覆刪除
    回覆
    1. Eva, 你好, 多謝你的留言. 你講的電影真係無頭緒, 會唔會有多點資料, 如演員, 導演等提供, 會易諗好多.

      刪除
  10. 你寫得好有心機,好睇又詳盡,繼續努力!

    回覆刪除